నదిలో ప్రవహించే నీళ్లు ఉన్నట్టుండి ఎర్రగా మారిపోయాయి. నీళ్లన్నీ రక్తంలాగా ఎరుపెక్కాయి. ఎందుకిలా అయిందో తెలియక స్థానికులంతా పరేషాన్ అయ్యారు. జపాన్ ఒకినావాలోని నాగో సిటీలో గురువారం జరిగిన ఈ ఘటనకు సంబంధించిన ఫొటోలు, వీడియోలు వైరల్ అయ్యాయి. అయితే, ఇందుకు తామే కారణమంటూ ఓరియన్ అనే బీర్ ఫ్యాక్టరీ మేనేజ్మెంట్ క్షమాపణలు చెప్పింది. తమ ఫ్యాక్టరీలోని కూలింగ్ సిస్టమ్ నుంచి లీకేజే కారణమని వివరణ ఇచ్చుకుంది.
బీరు తయారీకి ఫుడ్లో రుచి కోసం కలిపే ప్రొపిలిన్ గ్లైకాల్ అనే కెమికల్ బుధవారం రాత్రి లీకై నదిలో కలిసిందని, గురువారం ఉదయాన్నే గుర్తించి సరిచేశామని చెప్పుకొచ్చింది. ఈ కెమికల్తో ఎవరికీ ఎలాంటి హానీ ఉండదని పేర్కొంది.