విశ్వక్సేన్ హీరోగా ‘జాతిరత్నాలు’ ఫేమ్ కేవీ అనుదీప్ రూపొందించిన చిత్రం ‘ఫంకీ’. కయాదు లోహర్ హీరోయిన్గా నటించింది. సూర్యదేవర నాగ వంశీ, సాయి సౌజన్య నిర్మించిన ఈ మూవీ ఫిబ్రవరి 13న విడుదలవుతోంది. ఇప్పటికే టీజర్, రెండు సాంగ్స్తో ఇంప్రెస్ చేసిన టీమ్.. సోమవారం మూడో పాటను రిలీజ్ చేసింది. భీమ్స్ సిసిరోలియో కంపోజ్ చేసిన ఈ మాస్ సాంగ్కు దేవ్ పవార్ క్యాచీ లిరిక్స్ అందించాడు.
భీమ్స్, రోహిణి సోరట్ కలిసి పాడారు. ‘నిజమేనా.. నువ్వేనా.. ఏమైనా.. నా కల్లోకి వచ్చి కన్నే కొట్టావా.. కల్లోనే ఉన్నావా.. నీ ఆశలన్నీ అస్సాం అయిపోవా.. నా చిలకమ్మా రావమ్మా.. ఈ జన్మే నీదమ్మా..’ అంటూ సాగిన పాటలో విశ్వక్సేన్, కయాదు లోహర్ జోడీ ఇంప్రెస్ చేసింది. ఆట సందీప్ మాస్టర్ కొరియోగ్రఫీలో వీరు చేసిన డ్యాన్స్ మూమెంట్స్ ఆకట్టుకున్నాయి. ఈ సందర్భంగా నిర్వహించిన సాంగ్ లాంచ్ ఈవెంట్లో విశ్వక్సేన్ మాట్లాడుతూ ‘ఇదొక క్లీన్ ఎంటర్టైనర్. రెండు గంటల పది నిమిషాల పాటు అన్నీ మర్చిపోయి కడుపుబ్బా నవ్వుకుంటారు. ఈ సినిమా ఎవర్నీ నిరాశపరచదు’ అని చెప్పాడు.
