వాషింగ్టన్: రష్యాతో యుద్ధంలో తమకు అమెరికా సహాయం ఇప్పుడు మరింత అవసరమని ఉక్రెయి న్ ప్రెసిడెంట్ జెలెన్స్కీ కోరారు. అమెరికన్ కాంగ్రెస్ను ఉద్దేశించి బుధవారం వీడియో కాన్ఫరెన్స్ ద్వారా మాట్లాడారు. ఈ సందర్భంగా పెరల్ హార్బర్, 9/11 ఉగ్రవాద దాడి ఘటనలను ఆయన ప్రస్తావించారు. రెండో ప్రపంచ యుద్ధం తర్వాత యూరోప్ ఎదుర్కొంటున్న అతి పెద్ద సంక్షోభం ఇదేనని చెప్పారు. రష్యాను కంట్రోల్ చేసేందుకు తమ దేశాన్ని నోఫ్లై జోన్గా ప్రకటించాలని మళ్లీ విజ్ఞప్తి చేశారు. నెత్తురోడుతున్న తమ దేశానికి సాయమందివ్వాలని కోరారు. ఇప్పటివరకు తమకు మద్దతుగా నిలిచిన అమెరికన్ల కు రుణపడి ఉంటామని, అయితే తమకు బైడెన్ ఆఫీస్ నుంచి ఇంకా సాయం కావాలని విజ్ఞప్తి చేశారు.
