రష్యన్ ఆయిల్ ట్యాంకర్ విరాట్పై నల్ల సముద్రంలో శనివారం డ్రోన్ అటాక్ జరిగింది. ఇదే ఓడపై శుక్రవారం కూడా దాడి జరిగినట్లు తెలిసింది. శనివారం దాడి జరిగిన సమయంలో.. ఈ రష్యన్ ఆయిల్ ట్యాంకర్ నుంచి ‘‘ఇది విరాట్.. సాయం కావాలి.. డ్రోన్ అటాక్.. మేడే’’ అని ఈ ఆయిల్ ట్యాంకర్ తీసుకెళుతున్న సిబ్బంది ఆడియో రికార్డ్ చేసింది.
Reportedly, this is a sea drone attack on Russian shadow fleet tankers yesterday.
— Anton Gerashchenko (@Gerashchenko_en) November 29, 2025
The tankers were empty, headed to Russian Novorossiysk. pic.twitter.com/d5M82Rg6yZ
ఓపెన్ ఫ్రీక్వెన్సీ రేడియో డిస్ట్రెస్ కాల్ ఈ సందేశాన్ని రిపోర్ట్ చేసినట్లు టర్కిష్ ట్రాన్స్ పోర్ట్ మినిస్ట్రీ కూడా ప్రకటించింది. ఈ దాడులకు పాల్పడింది ఉక్రెయిన్ సెక్యూరిటీ సర్వీసెస్ (SBU) అని సీఎన్ఎన్ రిపోర్ట్ చేసింది. ఉక్రెయిన్ అనధికారికంగా ఈ డ్రోన్ అటాక్కు బాధ్యత వహించిందని చెప్పుకొచ్చింది.
"This is VIRAT. Help needed! Drone attack! Mayday!"
— Victor vicktop55 commentary (@vick55top) November 28, 2025
The crew of the tanker VIRAT reported a drone attack on an open frequency. Clearly, they weren't referring to regular drones, but to unmanned boats.
As a reminder, the tankers VIRAT and KAIROS were "exposed to external… pic.twitter.com/cQ7oXvljZ7
ఈ డ్రోన్ దాడికి సంబంధించిన వీడియో కూడా నెట్టింట వైరల్ అయింది. రష్యాకు చెందిన షాడో ఫ్లీట్లో భాగమైన రెండు ఆయిల్ ట్యాంకర్లపై ఈ డ్రోన్ అటాక్ జరిగినట్లు అంతర్జాతీయ మీడియా పేర్కొంది. టర్కీకి 35 నాటికల్ మైళ్ల దూరంలో ఈ డ్రోన్ దాడి జరిగిందని.. ఓడలోని 20 మంది సిబ్బంది క్షేమంగానే ఉన్నారని తెలిపింది.
ఆయిల్ ట్యాంకర్లతో కూడిన కైరోస్, విరాట్ అనే రెండు నౌకలపై ఈ దాడి జరిగిందని అంతర్జాతీయ మీడియా వెల్లడించింది. గాంబియన్-జెండా కలిగిన కైరోస్ అనే ఆ ట్యాంకర్‌లో ఉన్న 25 మంది సిబ్బందిని ఖాళీ చేయించారు. డ్రోన్ ఢీకొన్నప్పుడు ఏ నౌక కూడా టర్కిష్ జలాల్లో లేదు. కైరోస్ నౌక 275 మీటర్ల పొడవు, దాదాపు 80 వేల టన్నుల బరువు ఉంటుంది.
