కాగజ్ నగర్, వెలుగు: కుమ్రంభీం ఆసిఫాబాద్ జిల్లా కాగజ్ నగర్ ఫారెస్ట్ లో ఏర్పాటు చేసిన సీసీ కెమెరాలకు మూడు చిరుతలు తిరుగుతున్న చిత్రాలు చిక్కాయి. ఈ నెల 7న ఈ ఫొటోలు తీసినట్టు అధికారులు గుర్తించారు. ఫారెస్ట్ రేంజ్ ఆఫీసర్ శివకుమార్ మాట్లాడుతూ డివిజన్అడవుల్లో పులులు, చిరుతలు తిరగడం సాధారణమేనని, వాటి భద్రత దృష్ట్యా పులుల ఫొటోలు ఎక్కడ తీసింది చెప్పలేమన్నారు. అయితే ఒకటి, రెండు కాకుండా ఏకంగా మూడు చిరుతలు ఒకేసారి కనిపించడం ఇప్పుడు హాట్ టాపిక్ అయ్యింది.
