హైదరాబాద్/చేవెళ్ల, వెలుగు: పోలింగ్ ముగియగానే ఆయా కేంద్రాల్లోని ఈవీఎంలు, వీవీ ప్యాట్లను అధికారులు సోమవారం అర్ధరాత్రి లోపు స్ట్రాంగ్రూమ్స్కు తరలించారు. హైదరాబాద్జిల్లా పరిధిలోని స్ట్రాంగ్ రూమ్స్వద్ద మూడంచెల భద్రత ఏర్పాటు చేశామని హైదరాబాద్ సెగ్మెంట్ జనరల్ అబ్జర్వర్ పీఐ శ్రీవిద్య, రిటర్నింగ్ ఆఫీసర్, కలెక్టర్అనుదీప్ దురిశెట్టి తెలిపారు. చేవెళ్ల రిటర్నింగ్ ఆఫీసర్, కలెక్టర్ శశాంక, వికారాబాద్ జిల్లా కలెక్టర్ నారాయణరెడ్డి, రంగారెడ్డి జిల్లా అడిషనల్ కలెక్టర్ ప్రతిమాసింగ్, వికారాబాద్ అడిషనల్కలెక్టర్ రాహుల్ శర్మ, శేరిలింగంపల్లి జోనల్ కమిషనర్ స్నేహ ఈవీఎంల భద్రతా ఏర్పాట్లను మంగళవారం క్షేత్రస్థాయిలో పర్యవేక్షించారు.
ఎలాంటి గందరగోళం, లోటుపాట్లకు తావులేకుండా చర్యలు చేపట్టారు. స్ట్రాంగ్రూమ్స్వద్ద సీఆర్పీఎఫ్, రాష్ట్ర సాయుధ దళాలు, సివిల్ పోలీసులు బందోబస్తులో ఉన్నారు. మూడు షిఫ్టుల్లో 24 గంటలూ పహారా కాయనున్నారు. స్ట్రాంగ్ రూమ్స్ వద్ద ఎవరైన అనుమానాస్పదంగా తిరిగినా, అనుమతి లేకుండా స్ట్రాంగ్ రూమ్ డోర్ వద్దకు వెళ్లినా రిటర్నింగ్ఆఫీసర్చట్టపరమైన చర్యలు తీసుకుంటారు. స్ట్రాంగ్రూమ్స్ నుంచి 200 మీటర్లు దూరం వరకు144 సెక్షన్ అమలులో ఉంది. హై డెఫినెషన్ సీసీ కెమెరాలను అమర్చి స్థానికంగా ఉన్న కంట్రోల్ రూమ్ కు కనెక్ట్ చేశారు.
ఎక్కడెక్కడంటే..
మలక్పేట పరిధిలోని ఈవీఎంలు, వీవీ ప్యాట్లను అంబర్ పేట ఇండోర్ స్టేడియంలో, కార్వాన్ లోని ఈవీఎంలను మాసబ్ట్యాంక్ పాలిటెక్నిక్ కాలేజీలో, గోషామల్లోని వాటిని కోఠి ఉమెన్స్ కాలేజీలోని స్ట్రాంగ్ రూమ్స్లో భద్రపరిచారు. చార్మినార్కు సంబంధించినవి నాంపల్లి కమలా నెహ్రూ పాలిటెక్నిక్ కాలేజీ, చాంద్రాయణగుట్టలోని వాటిని బషీర్బాగ్ నిజాం కాలేజీ లైబ్రరీ హాల్ లో, యాకుత్పురాకు సంబంధించినవి నాంపల్లి సరోజిని నాయుడు వనితా మహావిద్యాలయలో, బహదూర్పురాకు చెందినవి బండ్లగూడ అరోరా లీగల్ సైన్స్ అకాడమీలో ఉంచారు.
నాంపల్లి లోని ఈవీఎంలు, వీవీప్యాట్లను మాసబ్ట్యాంక్ఫైన్ ఆర్ట్స్ యూనివర్సిటీలో, ముషీరాబాద్కు చెందినవి దోమలగూడలోని ఏవీ కాలేజీలో అంబర్పేటకు సంబంధించిన ఈవీఎంలు, వీవీప్యాట్లను నారాయణగూడ రాజాబహదూర్ వెంకటరామి రెడ్డి ఉమెన్స్ కాలేజీలో సనతనగర్ లోని ఈవీఎంలు, వీవీప్యాట్లను ఓయూ కామర్స్కాలేజీలో, సికింద్రాబాద్కు చెందినవి ఓయూలోని సెంటర ఫర్ డిస్టెన్స్ఎడ్యుకేషన్ లో, ఖైరతాబాద్, జూబ్లీహిల్స్పరిధిలోని ఈవీఎంలను యూసఫ్గూడ కోట్ల విజయభాస్కర్ రెడ్డి ఇండోర్ స్టేడియం సౌత్, నార్త్ వింగ్ లో భద్రపరిచారు.
కంటోన్మెంట్స్థానానికి సంబంధించిన ఈవీఎంలు, వీవీ ప్యాట్లను సికింద్రాబాద్సీఎస్ఐఐటీ వెస్లీ కాలేజీలో ఉంచారు. మేడ్చల్, మల్కాజిగిరి, ఉప్పల్, కుత్బుల్లాపూర్, కూకట్పల్లి స్థానాలకు చెందిన వాటిని బోగారం హోలీ మేరీ కాలేజీలో ఉంచారు. ఎల్బీనగర్లోని ఈవీఎంలను స్థానిక ఇండోర్స్టేడియంలో, చేవెళ్ల మండలం గొల్లపల్లి గ్రామంలోని బండారి శ్రీనివాస్ ఇనిస్టిట్యూట్ఆఫ్ టెక్నాలజీ కాలేజీలో చేవెళ్ల, పరిగి, తాండూరు, వికారాబాద్, శేరిలింగంపల్లి, మహేశ్వరం, రాజేంద్రనగర్అసెంబ్లీ స్థానాల పరిధిలోని ఈవీఎంలు, వీవీ ప్యాట్లను ఉంచారు.
