సక్సెస్ఫుల్ కెరీర్, పర్సనల్ లైఫ్తో హ్యాపీగా ఉండాలంటే టైమ్ మేనేజ్మెంట్ ఉండాలి. ముఖ్యంగా తల్లిదండ్రులిద్దరూ ఉద్యోగాలు చేస్తుంటే.. పిల్లల విషయంలో టైమ్ మెనేజ్మెంట్ తప్పనిసరి.. అందుకోసం ఎక్స్పర్ట్స్ చెప్తున్న టిప్స్ ఇవి.
- ఏం చేసినా ఆర్గనైజ్డ్గా ప్లాన్ చేయాలి. మరుసటి రోజు చేయాల్సిన పనికి సంబంధించిన ఏర్పాట్లన్నీ ముందురోజే చేసుకోవాలి. దానివల్ల ఎలాంటి కంగారు ఉండదు. అలాగే వారంలో చేయాల్సిన పనుల్ని ముందుగానే లిస్ట్ చేసుకోవాలి.. వాటిల్లో ఏది ఇంపార్టెంట్ అనిపిస్తే దానిపైన ఎక్కువ ఫోకస్ చేయాలి.
- ఎవరెలాంటి ఉద్యోగం చేస్తున్నా, ఫ్యామిలీ మొత్తానికి ఒక కామన్ క్యాలెండర్ ఉండాలి. అందులో పిల్లలకి, ఫ్యామిలీకి సంబంధించిన స్పెషల్ డేస్ని రాసుకోవాలి. దాన్నిబట్టి వర్క్లైఫ్ని బ్యాలెన్స్ చేసుకోవాలి.
- ఆఫీసు టెన్షన్స్ని అన్నింటినీ ఇంటి బయటే వదిలేయాలి . ఇంట్లో ఉన్నప్పుడు స్ర్కీన్ టైంని తగ్గించుకోవాలి. వీకెండ్స్ని పిల్లల కోసం కేటాయించాలి. వాళ్లని షికారుకి తీసుకెళ్లడం, వాళ్లతో ప్లేగ్రౌండ్లో ఆడటం, కథలు చెప్పడం లాంటివి చేయాలి. దానివల్ల పెద్దవాళ్లకి పని ఒత్తిడి తగ్గుతుంది. వారం మొత్తం తల్లిదండ్రులు తమతో ఉండట్లేదన్న ఫీలింగ్ పిల్లలకి ఉండదు .
- పేరెంట్స్ ఉద్యోగాలకి వెళ్లినప్పుడు పిల్లలు ఒంటరిగా ఫీల్ అవ్వకుండా ఆ టైమ్లో వాళ్లను డాన్స్, మ్యూజిక్, స్విమ్మింగ్ క్లాసుల్లో ఎంగేజ్ చేయాలి. పిల్లల ఇంట్రెస్ట్ని బట్టి ఆటలు, పెయింటింగ్ లాంటివి నేర్చుకునేందుకు చేర్చొచ్చు.
- రోజంతా స్కూల్లో ఏం చేశారనేది పేరెంట్స్ తెలుసుకోవాలి. దగ్గరుండి హోంవర్క్ చేయించడం వల్ల పిల్లలు ఏ సబ్జెక్టులో వీక్, ఎందులో స్ట్రాంగ్ అని తెలుస్తుంది. ఎంత బిజీగా ఉన్నా ఫ్యామిలీ పార్టీలకు వెళ్లాలి. పిల్లలకు సంబంధించిన ప్రతి వేడుకను ఆనందంగా జరుపుకోవడం వల్ల కెరీర్తో పాటు ఫ్యామిలీ లైఫ్లోనూ హ్యాపీగా ఉండొచ్చు.