కొడంగల్, వెలుగు: రాష్ట్రంలో కాంగ్రెస్పాలన అభివృద్ధి, సంక్షేమంలో ముందుకెళ్తుందని కొడంగల్ సెగ్మెంట్ కాంగ్రెస్ ఇన్ చార్జ్ తిరుపతిరెడ్డి పేర్కొన్నారు. త్వరలో రైతులకు రుణ విముక్తి కలుగుతుందని తెలిపారు. కడా స్పెషల్ఆఫీసర్ వెంకట్రెడ్డితో అభివృద్ధి పనులకుగురువారం శంకుస్థాపనలు చేశారు. కొడంగల్, బొంరాస్పేట మండలాల్లో రూ. 23 కోట్ల నిధులతో నిర్మించే జానకంపల్లి – మహంతిపూర్, దేవనూర్ రోడ్డు కమ్బ్రిడ్జి పనులకు భూమి పూజ చేశారు.
అంగడిరైచూర్ గేట్–లక్ష్మీపల్లి, రుద్రారం వరకు డబుల్ రోడ్డు, బ్రిడ్జిల పనులకు శంకుస్థాపన చేశారు. అనంతరం బొంరాస్పేటలో నిర్వహించిన కార్యక్రమంలో 87 మంది లబ్ధిదారులకు కల్యాణ లక్ష్మి, షాదీ ముబారక్చెక్కులు అందజేశారు. కొడంగల్లో 205 మంది పేదలకు రూ. 1.39 కోట్ల సీఎంఆర్ఎఫ్ చెక్కులను పంపిణీ చేశారు. అనంతరం ఇగావల మృతిచెందిన పలువురు కాంగ్రెస్ కార్యకర్తల కుటుంబాలను పరామర్శించారు. ఆయన వెంటనే నేతలు ప్రశాంత్, ముద్దప్ప, శివకుమార్గుప్త, ఆనంద్రెడ్డి, నర్సింలు గౌడ్, నర్సింహనాయుడు ఉన్నారు.
