సిటీల సదువుకునేవాళ్లకు చిన్న చిన్న ఊళ్లల ఉండే పిలగాళ్లు తీసిపోరని హుజూరాబాద్కి చెందిన కన్నం అభి నిరూపించాడు. వాట్సాప్, ఇన్స్టాగ్రామ్ లెక్కనే పనిచేసే
మెసెంజర్ని డెవలప్ చేశాడు. ఆ మెసెంజర్ పేరు ‘ట్రేస్ చాట్’. ఈ యాప్ని గూగుల్ ప్లే స్టోర్లో పెట్టింది!
మెసేజ్లు, ఫొటోలు, వీడియోలు, ఆడియోలు, డిజిటల్ ఫైల్స్ షేర్ చేసుకోడానికి ఇప్పుడందరూ వాట్సాప్, ఇన్స్టాగ్రామ్ వాడుతున్నారు. సోషల్ రిలేషన్స్కి గూడ ఈ యాప్లని తెగ వాడుతున్నారు. అందరూ వాడుతున్నట్టే అభి గూడ ఈ యాప్లు వాడాడు. కానీ ఇవెలా పనిజేస్తయో తెలుసుకుని తనే ఇంకో కొత్త యాప్ని తయారుచేశాడు. ఆండ్రాయిడ్, ఇతర ఓఎస్లతో పనిచేసే స్మార్ట్ ఫోన్లలో ట్రేస్ చాట్ యాప్ పనిచేస్తుంది. దీని ద్వారా మెసేజ్లు, ఫైల్స్ ట్రాన్స్ఫర్తో పాటు ఆడియో, వీడియో కాల్స్ కూడా చేసుకోవచ్చు. ఈ యాప్కు యూజర్స్ గూగుల్ ప్లేస్టోర్లో 4.8 రేటింగ్ ఇచ్చారు. యాప్తోపాటు ట్రేస్ వాల్ హెచ్డి యాప్ని డెవలప్ చేశాడు అభి. ఇందులో16 కేటగిరీల్లో 500కు పైగా హెచ్డి వాల్ పేపర్స్ ఉన్నాయి. ఈయాప్తో హెచ్డి వాల్ పేపర్స్డౌన్లోడ్ చేసుకోవడంతో పాటు ఫ్రెండ్స్తో పంచుకోవచ్చు కూడా.
చిన్నప్పట్నించే..
అభికి టెక్నాలజీ విషయాలంటే బాగా ఇష్టం. చాలా విషయాలను యూట్యూబ్లో చూసి నేర్చుకున్నాడు. ఎనిమిదో తరగతి చదివేప్పటి నుంచి మొబైల్స్, కార్లలో ఉపయోగించే టెక్నాలజీ గురించి యూట్యూబ్లో తెలుసుకున్నాడు. ఆ తరువాత రోబో తయారుచేశాడు. స్కూల్ సైన్స్ ఫెయిర్లో ఆ రోబోని ఎగ్జిబిట్ కూడా చేశాడు. తొమ్మిదో తరగతి పూర్తి చేసిన అభి వేసవి సెలవుల్లో యూట్యూబ్ సాయంతో పలు రకాల అప్లికేషన్స్ గురించి తెలుసుకుని, ట్రేస్ చాట్ యాప్ని డెవలప్ చేశాడు. దీన్ని తయారుచేసేందుకు 45 రోజులు పట్టింది. ఇంతకు ముందు మూడు వెబ్ సైట్స్ డిజైన్ చేసిండు.
బిగ్ డ్రీమ్
‘‘మా నాన్న శ్రీనివాస్ గవర్నమెంట్ స్కూల్ టీచర్. హుజూరాబాద్లో ఉన్న కేరళ ఇంగ్లిష్ మీడియం స్కూల్లో చదువుతున్నా. పెద్దయ్యాక సాఫ్ట్వేర్ కంపెనీ పెట్టాలనేది నా కల.’’