ఆగ్రా: పొగమంచుతో దారి కనిపించక ఓ వ్యాన్ మరో ట్రక్కును ఢీకొట్టింది. అలా ఒకదానివెంట మరొకటి మొత్తం 12 వెహికల్స్ ఢీకొన్నాయి. ఈ ప్రమాదంలో ఒకరు చనిపోగా భారీగా ట్రాఫిక్ నిలిచిపోయింది. ట్రాఫిక్ను క్లియర్ చేసేందుకు పోలీసులు ప్రయత్నిస్తున్నారు. ఇంతలో అటుగా వెళ్తున్న వాహనదారుల కళ్లు వ్యాన్లోని కోళ్లపై పడింది. ఇంకేముంది.. కేజ్ల తాళాలు పగలగొట్టి నిమిషాల్లోనే 500 కోళ్లను తీసకెళ్లారు. కొందరు గోనె సంచులతో వచ్చి మరీ కోళ్లను పట్టుకెళ్లారు. వాటిని తీసుకెళ్లొద్దని వ్యాన్ డ్రైవర్ ఎంత మొత్తుకున్నా వినిపించుకోలేదు. బుధవారం ఉదయం ఆగ్రా హైవేపై జరిగిన ఈ ఘటనకు సంబంధించిన వీడియో సోషల్ మీడియాలో వైరల్ అయింది.
