వాషింగ్టన్: ఇరాన్ సుప్రీం లీడర్ అయతుల్లా ఖమేనీ హత్య తర్వాత పశ్చిమాసియాలో యుద్ధం మరింత తీవ్రమైంది. ఖమేనీ మరణానికి ప్రతీకారంగా గల్ఫ్ దేశాలపై ఇరాన్ విరుచుకుపడుతోంది. మిడిల్ ఈస్ట్లో యూఎస్ మిత్రదేశాలు, అమెరికా సైనిక స్థావరాలపై డ్రోన్లు, బాంబులతో అటాక్స్ చేస్తోంది. ఈ క్రమంలో అమెరికా అధ్యక్షుడు ట్రంప్ ఇరాన్ను మరోసారి హెచ్చరించాడు.
ప్రతీకార దాడులకు దిగకపోవడమే ఇరాన్కు మంచిదని సూచించారు. ఇరాన్ ప్రతిదాడులు చేస్తే మరింత తీవ్రంగా బదులిస్తామని.. ఈసారి ఎవరూ ఊహించని రీతిలో దాడులు ఉంటాయని వార్నింగ్ ఇచ్చారు. వెంటనే ట్రంప్ వార్నింగ్కు ఇరాన్ కౌంటర్ ఇచ్చింది. సుప్రీం లీడర్ ఖమేనీ బాటలోనే నడుస్తామని స్పష్టం చేసింది.
ఖమేనీ మృతికి కచ్చితంగా ప్రతీకారం తీర్చుకుంటామని తేల్చిచెప్పింది. అమెరికా, ఇజ్రాయెల్ భారీ మూల్యం చెల్లించుకోక తప్పదని హెచ్చరించింది. ఈ తప్పు ఎందుకు చేశామా అని చింతించేలా దాడులు చేస్తామని వార్నింగ్ ఇచ్చింది. ఖమేనీ మరణం తర్వాత కూడా ఇరాన్ ఏ మాత్రం వెనక్కి తగ్గకపోవడంతో మధ్యప్రాచ్యంలో తీవ్ర భయాందోళన పరిస్థితులు నెలకొన్నాయి.
