- అన్ని మున్సిపాలిటీలు, కార్పొరేషన్లలో అమలు
మున్సిపాలిటీలు, మున్సిపల్కార్పొరేషన్లు, గ్రేటర్ హైదరాబాద్లో భవన నిర్మాణాలకు 21 రోజుల్లోనే అనుమతులు ఇచ్చేందుకు రూపొందించిన టీఎస్– బీపాస్ విధానాన్ని జూన్2 నుంచి రాష్ట్ర వ్యాప్తంగా అమలు చేయాలని ప్రభుత్వం నిర్ణయించింది. ఇందుకోసం మున్సిపల్శాఖ ఏర్పాట్లన్నీ పూర్తి చేసింది. ఇక నుంచి ఆన్ లైన్ లోనే బిల్డింగ్ పర్మిషన్ తీసుకోవచ్చు. మీ సేవ సెంటర్లు, పౌర సేవ కేంద్రాలతో పాటు సొంతంగా కంప్యూటర్, మొబైల్ యాప్ ద్వారానూ అప్లై చేసుకోవచ్చు. దీనికోసం టీఎస్– బీపాస్పేరుతో ప్రత్యేకంగా వెబ్ పోర్టల్ రూపొందించారు. అప్లికేషన్ లో ఏవైనా ఇబ్బందులుంటే అధికారులతో మాట్లాడేందుకు 040–22666666 టోల్ ఫ్రీ నంబర్ను ఏర్పాటు చేశారు. టీఎస్ – బీపాస్ను మొదట పైలట్ ప్రాజెక్టుగా 87 మున్సిపాలిటీల్లో ప్రవేశపెట్టారు. ఇప్పటి వరకు 1,100 అప్లికేషన్లు వచ్చాయని అధికారులు తెలిపారు.
