హైదరాబాద్, వెలుగు: తెలంగాణ సాంస్కృతిక సారథి(టీఎస్ఎస్) ఉద్యోగులకు పీఆర్సీ అమలు చేసింది. ఈ మేరకు సాంస్కృతిక, యువజన సర్వీసులు, పర్యాటక శాఖ ముఖ్య కార్యదర్శి శైలజా రామయ్యర్ సోమవారం ఉత్తర్వులిచ్చారు.
పీఆర్సీ 2020 ప్రకారం టీఎస్ఎస్ ఉద్యోగులకు పీఆర్సీ అందుతుంది. దీని ప్రకారం ప్రస్తుత పేస్కేల్ మీద 30 శాతం వేతనాలు పెరగనున్నాయి. వారికి ప్రస్తుత పే స్కేలు రూ. 24,514 గా ఉంది. పీఆర్సీ అమలుతో ఒక్కొక్కరికి రూ.7,300 మేరకు జీత భత్యాలు పెరిగే అవకాశం ఉంది.
పెంచిన పీఆర్సీ 2021 జూన్ 1 నుంచి వర్తింపజేస్తున్నారు. టీఎస్ఎస్లో మొత్తం 583 మంది ఉద్యోగులు ఉన్నారు. పీఆర్సీ అమలుకు తదుపరి చర్యలు తీసుకోవాలని భాషా సాంస్కృతిక శాఖ డైరెక్టర్ కు ప్రభుత్వ ఆదేశించింది. 3 నెలల కింద టీఎస్ఎస్ ఉద్యోగుల పీఆర్సీకి ఆర్థిక శాఖ క్లియరెన్స్ ఇవ్వగా సీఎం కేసీఆర్ ఆమోదంతో తాజా ఉత్తర్వులు జారీ అయ్యాయి.
