హైదరాబాద్, వెలుగు : టీఎస్ ఐసెట్ కౌన్సెలింగ్ షెడ్యూల్ రిలీజయ్యింది. అక్టోబరు 8 నుంచి కౌన్సెలింగ్ ప్రారంభం కానున్నట్లు టెక్నికల్ ఎడ్యుకేషన్ కమిషనర్ నవీన్ మిట్టల్, హయ్యర్ ఎడ్యుకేషన్ కౌన్సిల్ చైర్మన్ లింబాద్రి తెలిపారు. రెండు విడతల్లో కౌన్సెలింగ్ ఉంటుంద న్నారు. ఫస్ట్ ఫేజ్-లో వచ్చే నెల 8 నుంచి 12 వరకు ఆన్లైన్ రిజిస్ట్రేషన్, సర్టిఫికేట్ల వెరిఫికేషన్-కు స్లాట్ బుకింగ్ ఉంటుంది.
సీట్ల అలాట్మెంట్ అక్టోబర్ 18న ఉండగా.. 21లోపు ఆన్లైన్ సెల్ఫ్ రిపోర్టింగ్ చేయాలి. ఫైనల్ ఫేజ్ కౌన్సెలింగ్ అక్టోబర్ 23న ప్రారంభమవుతుంది. 24న సర్టిఫికేట్ల వెరిఫికేషన్, 23 నుంచి 25 వరకు వెబ్ ఆప్షన్లు ఇవ్వాలి. అక్టోబర్ 28న సీట్ల అలాట్మెంట్ ఉంటుంది. 30 లోపు ఆన్లైన్ సెల్ఫ్ రిపోర్టింగ్.. 31 లోపు కాలేజీల్లో రిపోర్టు చేయాలని అధికారులు సూచించారు.
