టీఎస్ టెట్ చిన్నచిన్న ఘటనలు మినహా ప్రశాంతంగా ముగిసింది. పేపర్1 ఈజీగా రాగా, పేపర్ 2 మాత్రం టఫ్ గా వచ్చిందని అభ్యర్థులు చెప్తున్నారు. ఉదయం 1,139 సెంటర్లలో పేపర్ 1 పరీక్ష నిర్వహించారు. దీనికి 2,69,557 మంది అభ్యర్థులకు గానూ 2,26,744 (84.12%) మంది అటెండ్ అయ్యారు. మధ్యాహ్నం 913 సెంటర్లలో పేపర్ 2 ఎగ్జామ్ జరగ్గా.. 2,08,498 మందికి గానూ 1,89,963 (91.11%) మంది హాజరయ్యారు. టైమ్ దాటిన తర్వాత ఎవ్వరినీ అనుమతించలేదు. పేపర్ 1 గతంతో పోలిస్తే క్వశ్చన్లు ఈజీగానే వచ్చాయని అభ్యర్థులు చెప్తున్నారు. పేపర్ 2 మాత్రం గతం కంటే కఠినంగా వచ్చిందని చెప్తున్నారు. ముఖ్యంగా మ్యాథ్స్, సైన్స్ టఫ్ గా వచ్చిందంటున్నారు. రిజల్ట్స్ ఈ నెల 27న రిలీజ్ చేయనున్నారు.
సిరిసిల్లలో పేపర్ తారుమారు
రాజన్న సిరిసిల్ల జిల్లాలో టెట్ 2 పేపర్‌‌‌‌లో సెట్ తారుమారైంది. సెంటర్లలో సెకండ్ సెట్కు బదులు ఫస్ట్ సెట్ను స్టూడెంట్లకు ఇచ్చారు. అప్పటికే పరీక్ష మొదలుపెట్టిన అభ్యర్థులు.. ఓఎంఆర్ షీట్లలో ఆన్సర్స్ రాశారు. తప్పు గుర్తించిన అధికారులు వెంటనే, స్టూడెంట్ల నుంచి ఆ సెట్ పేపర్లను తీసుకొని, మళ్లీ వేరే సెట్ క్వశ్చన్ పేపర్ ఇచ్చారు. అయితే, అప్పటికే ఓఎంఆర్ షీట్‌‌లో చేసిన బబ్లింగ్‌‌లకు వైట్‌‌నర్ రాయాలని సూచించారని అభ్యర్థులు వాపోయారు. ప్రశ్నాపత్రం సెట్మారడంతో టైం అరగంట పొడిగించినట్లు తెలిపారు. వైట్‌‌నర్ వాడిన ఓఎంఆర్ షీట్‌ వ్యాలిడ్ చేయరని, తమకు న్యాయం చేయాలని అభ్యర్థులు ఆందోళనకు దిగారు. దీంతో వైట్‌‌నర్ వాడిన ఓఎంఆర్మాన్యువల్‌‌గా చెక్ చేసి ఆన్ లైన్ లో పెడతామని, అభ్యర్థులు టెన్షన్ పడొద్దని డీఈవో రమేశ్ సూచించారు. జగిత్యాల జిల్లా కేంద్రంలోని ఎస్ కేఎన్ఆర్ జూనియర్ కాలేజ్ వద్ద టెట్ పరీక్షకు ఓ అభ్యర్థి 3 నిముషాలు లేట్‌గా రావడంతో అనుమతించలేదు. హైదరాబాద్లోని పలు సెంటర్లలోనూ ఇదే పరిస్థితి నెలకొంది.
ALSO READ: తెలంగాణ సాయుధ పోరాట విజయం
ఒకే అభ్యర్థి.. పది మంది సిబ్బంది
టెట్లో ఒక్క అభ్యర్థి కోసం ఎగ్జామ్ సెంటర్ను ఏర్పాటు చేసి 10 మంది సిబ్బంది విధులు నిర్వహించిన ఘటన మహబూబాబాద్ జిల్లా తొర్రూరులో చోటు చేసుకుంది. తొర్రూరులోని సాంఘిక సంక్షేమ బాలికల గురుకుల స్కూల్లో ఏర్పాటు చేసిన సెంటర్లో ఉదయం ఐదుగురు అభ్యర్థులకు గానూ నలుగురు హాజరయ్యారు. మధ్యాహ్నం జరిగిన పేపర్ 2కు ఒక్క అభ్యర్థి కోసం సీఎస్, డీవో, రూట్ ఆఫీసర్, ఇద్దరు ఇన్విజిలేటర్లు, ఇద్దరు ఓఎస్లు, అంగన్వాడీ టీచర్, ఏఎన్ఎం, పోలీస్ సిబ్బంది విధులు నిర్వహించారు.
నల్గొండ జిల్లాలో మాల్ ప్రాక్టీస్ ఘటన చోటుచేసుకుంది. జూనియర్ పంచాయతీ సెక్రటరీగా విధులు నిర్వర్తించే ఎండీ వరీస్ ముజ్నీ చిస్తీకి మిర్యాలగూడలోని కృష్ణవేణి హైస్కూల్లో ఇన్విజిలేషన్ డ్యూటీ పడింది. ఈ సెంటర్లోని రూమ్నంబర్ 6 లో పరీక్ష రాస్తున్న తన మరదలుకు ఆమె క్వశ్చన్పేపర్ కోడ్ ప్రకారం జవాబులు రాసిన స్లిప్ను చిటీ ఇచ్చాడు. స్లిప్పులతో మాల్ ప్రాక్టీస్ చేస్తున్న విషయాన్ని గుర్తించిన స్టూడెంట్స్ ఎగ్జామ్ డ్యూటీ ఆఫీసర్లకు ఫిర్యాదు చేశారు. ఆఫీసర్లు సదరు అభ్యర్ధిని మాల్ ప్రాక్టీస్ కింద బుక్ చేశారు. విషయం కలెక్టర్ దృష్టికి వెళ్లడంతో జేపీఎస్ను సస్పెండ్ చేశారు.
భద్రాద్రి కొత్తగూడెం జిల్లాలో ఎగ్జామ్సెంటర్లు ఎక్కడో తెలియక ఏడుగురు అభ్యర్థులు టెట్ఎగ్జామ్ రాయలేకపోయారు. యాదాద్రి జిల్లాలోని భువనగిరి బీఈడీ కాలేజీలో పేపర్2 ఎగ్జామ్లో సోషల్ సబ్జెక్టుకు బదులు మ్యాథ్స్ పేపర్ ఇచ్చారు. మరో అభ్యర్థికి సంస్కృతం బదులు తెలుగు సబ్జెక్టు ఇచ్చారు.
