జగిత్యాల టౌన్, వెలుగు: టీఎస్‌పీఎస్‌సీ బోర్డు నిరుద్యోగుల జీవితాలతో ఆడుకుంటోందని ఆరోపిస్తూ ఆదివారం జగిత్యాల తహసీల్ చౌరస్తాలో భారత్ సురక్ష సమితి లీడర్లు నిరసన తెలిపారు. ఈ సందర్భంగా వారు మాట్లాడుతూ బోర్డు నిర్లక్ష్యంతో ఎంతోమంది నిరుద్యోగుల జీవితాలు రోడ్డున పడ్డాయని మండిపడ్డారు.
పేపర్ లీకులు, పరీక్షలు రద్దుతో నిరుద్యోగులు తీవ్రంగా నష్టపోతున్నారని ఆవేదన వ్యక్తం చేశారు. గ్రూప్1 రెండోసారి రద్దుపై నైతిక బాధ్యత వహిస్తూ సీఎం వెంటనే రాజీనామా చేయాలని డిమాండ్ చేశారు. కార్యక్రమంలో రాష్ట్ర ఉపాధ్యక్షులు ఏసీఎస్రాజు, గంగాధర్, శ్రీనివాస్, దుబ్బారజం, లక్ష్మా రెడ్డి పాల్గొన్నారు.
