హైదరాబాద్, వెలుగు: గ్రూప్ 2 నోటిఫికేషన్ ఇచ్చేందుకు టీఎస్ పీఎస్సీ అధికారులు కసరత్తు చేస్తున్నారు. ఈనెల 27న నోటిఫికేషన్ ఇవ్వాలని భావిస్తున్నారు. దీనికి సంబంధించి ఏర్పాట్లు చేస్తున్నామని కమిషన్ ఉన్నతాధికారి ఒకరు చెప్పారు. వాస్తవానికి ఈనెల 16న గ్రూప్ 2 నోటిఫికేషన్ రిలీజ్ చేయాల్సి ఉన్నా, వివిధ టెక్నికల్ కారణాలతో వాయిదా వేసినట్టు తెలిసింది. ఈ క్రమంలో ముందుగా గ్రూప్2 ద్వారా 663 పోస్టులను భర్తీ చేస్తామని సర్కారు ప్రకటించినా, ఆ తర్వాత పలు వెల్ఫేర్ డిపార్ట్మెంట్లలోని పోస్టులను భర్తీ చేసేందుకు సర్కారు గ్రీన్ సిగ్నల్ ఇచ్చింది. దీంతో గ్రూప్ 2 నోటిఫికేషన్ను 783 పోస్టులతో ఇచ్చే అవకాశముంది. వివిధ కారణాలతో వాయిదా పడ్డ గ్రూప్ 2 నోటిఫికేషన్ ను 27న ఇస్తామని టీఎస్పీఎస్సీ ఉన్నతాధికారి ఒకరు తెలిపారు. నోటిఫికేషన్ ప్రక్రియకు అంతా రెడీ అయిందని ఆయన వెల్లడించారు. ఈనెల 30లోపు గ్రూప్ 1 పికప్ లిస్టు కూడా విడుదల చేస్తామని చెప్పారు. అదే రోజు మెయిన్స్ తేదీలను వెల్లడించేందుకు చర్యలు తీసుకుంటున్నామని పేర్కొన్నారు.
185 వెటర్నరీ అసిసెంట్‌ సర్జన్, 22 హార్టికల్చర్ ఆఫీసర్ పోస్టుల భర్తీకి కసరత్తు
హైదరాబాద్, వెలుగు: తెలంగాణ స్టేట్ పబ్లిక్ సర్వీస్ కమిషన్ (టీఎస్పీఎస్సీ) మరో రెండు జాబ్ నోటిఫికేషన్లు గురువారం రిలీజ్ చేసింది. వెటర్నరీ అండ్ అనిమల్ హస్బెండరీ డిపార్ట్మెంట్లో వెటర్నరీ అసిస్టెంట్ సర్జన్ క్లాస్ ఏ, బీ కేటగిరిలో 185 పోస్టులను భర్తీ చేయనున్నట్టు వెల్లడించింది. దీనికి ఈనెల 30 నుంచి వచ్చే ఏడాది జనవరి 19 సాయంత్రం 5 గంటల దాకా దరఖాస్తు చేసుకోవాలని సూచించింది. హార్టికల్చర్ డిపార్ట్మెంట్లో 22 హార్టికల్చర్ ఆఫీసర్ పోస్టులను భర్తీ చేయనున్నట్టు మరో నోటిఫికేషన్ ఇచ్చింది. జనవరి 3 నుంచి 24 సాయంత్రం 5 గంటల దాకా అప్లై చేసుకోవాలని సూచించింది. మరిన్ని వివరాలకు వెబ్ సైట్ చూడాలని తెలిపింది.
