హైదరాబాద్, వెలుగు: రాష్ట్రంలోని మహాత్మా జ్యోతిబా పూలే బీసీ సంక్షేమ గురుకుల విద్యాసంస్థల పనివేళలను మార్చాలని స్టేట్ యునైటెడ్ టీచర్స్ ఫెడరేషన్(టీఎస్యూటీఎఫ్) కోరింది. గురువారం బీసీ సంక్షేమ శాఖ మంత్రి గంగుల కమలాకర్ను ఎమ్మెల్సీ నర్సిరెడ్డి, యూటీఎఫ్ రాష్ట్ర అధ్యక్ష, కార్యదర్శులు జంగయ్య, చావ రవి కలిసి వినతి పత్రం అందజేశారు. ఇతర సంక్షేమ గురుకుల విద్యాసంస్థల్లో ఉన్నట్లు బీసీ గురుకులాలను కూడా ఉదయం 9 గంటల నుంచి సాయంత్రం 4.30 గంటల వరకు నడపాలన్నారు.
దసరా సెలవుల్లో గెస్ట్ టీచర్ల వేతనాల్లో కోత విధించారని గుర్తుచేశారు. దీనికి స్పందించిన మంత్రి.. అన్ని గురుకులాల్లో ఒకే రకమైన సదుపాయాలు, ఎంప్లాయీస్కు వేతనాలు ఇస్తున్నామన్నారు. టైమ్సింగ్స్ ఒకే విధంగా అమలు చేస్తామన్నారు. గెస్ట్ టీచర్లకు సెలవుల పేరిట కోత పెట్టిన వేతనం తిరిగి చెల్లిస్తామని తెలిపారు.
