ఈత సరదా ఇద్దరు చిన్నారుల ప్రాణాలు తీసింది. శుక్రవారం ఏకాదశి పండుగ బడి సెలవు కావడంతో ఆడుకునేందుకు వెళ్లిన అన్నాతమ్ముళ్లు నీటి కుంటలో పడి చనిపోయారు. మహబూబాబాద్ జిల్లా కురవి మండలం తిర్మలాపురానికి బతుకు దెరువుకు వచ్చి కూలిపని చేసుకుంటున్న చింతనూరి శ్రీను, హైమ దంపతులకు ఇద్దరు కొడుకులు. సూర్యతేజ(8), విశాల్(5) పక్కింటి ఈశ్వర్తో కలిసి ఆడుకునేందుకు ఎర్రకుంటలోకి వెళ్లారు. ప్రమాదవశాత్తు సూర్యతేజ, విశాల్ నీళ్లలో మునిగిపోతుండగా ఈశ్వర్ రోడ్డుపైకి వచ్చి అక్కడున్నవారిని అప్రమత్తం చేసినా ఫలితం లేకపోయింది. బయటకు తీసేలోపే చనిపోయారు. ఇద్దరు కొడుకులు చనిపోవడంతో తల్లిదండ్రుల రోదనలు అందరినీ కంటతడి పెట్టించాయి.
