- వ్యక్తిగత విభాగంలో సావిత శ్రీకి స్వర్ణం
సమర్కండ్, వెలుగు: 46వ చెస్ ఒలింపియాడ్లో భారత జట్లు సత్తా చాటాయి. పురుషుల జట్టు రజతం, మహిళల జట్టు కాంస్య పతకాలు సాధించాయి. ఆదివారం జరిగిన చివరి రౌండ్లో భారత పురుషుల జట్టు హంగేరీతో 2–2తో డ్రా చేసుకుంది. 18 పాయింట్లతో జర్మనీతో కలిసి రెండో స్థానంలో నిలిచినా.. మెరుగైన టైబ్రేక్ స్కోరుతో భారత్కు రజతం దక్కింది. జర్మనీ కాంస్యంతో సరిపెట్టుకుంది.
భారత్ తరఫున చివరి రౌండ్లో అర్జున్ ఎరిగైసి పీటర్ లెకోపై విజయం సాధించగా.. ఆర్. ప్రజ్ఞానంద, నిహాల్ సరీన్ డ్రా చేసుకున్నారు. అయితే డి. గుకేశ్ గ్లెబ్ డుడిన్ చేతిలో ఓడాడు. ప్రజ్ఞానంద వ్యక్తిగత ప్రదర్శనకు కాంస్య పతకం అందుకున్నాడు. చివరి రౌండ్లో ఓటమితో గుకేశ్ వ్యక్తిగత స్వర్ణాన్ని తృటిలో కోల్పోయాడు. మహిళల విభాగంలో భారత్ జార్జియాతో 2–2తో డ్రా చేసుకుని కాంస్యం సాధించింది.
కోనేరు హంపి నానా డ్జాగ్నిడ్జేపై గెలవగా.. దివ్య దేశ్ముఖ్ బెల్లా ఖొటెనాష్విలి చేతిలో ఓడింది. వంతిక అగర్వాల్ డ్రా చేసుకోగా.. క్లిష్ట పరిస్థితుల్లో బి. సావిత శ్రీ పోరాడి డ్రా సాధించింది. దీంతో భారత్కు కాంస్యం ఖరారైంది.
