హైదరాబాద్, వెలుగు: రాష్ట్రంలో కొన్ని చోట్ల మరో రెండ్రోజులు వర్షాలు కురుస్తాయని వాతావరణ శాఖ వెల్లడించింది. ఉరుములు, మెరుపులతో కూడిన తేలికపాటి నుంచి మోస్తరు వానలు పడొచ్చని పేర్కొంది. శనివారం సిద్దిపేట, జగిత్యాల, నల్గొండ, ములుగు, ఆదిలాబాద్, నాగర్కర్నూల్, కామారెడ్డి, కొత్తగూడెం, గద్వాల, భువనగిరి, జనగామ, మెదక్, రంగారెడ్డి, సంగారెడ్డి, నిజామాబాద్ జిల్లాల్లో తేలికపాటి నుంచి మోస్తరు వర్షాలు కురిశాయి. అత్యధికంగా సిద్దిపేటలోని కొండపాకలో 6.8 సెం.మీ. వర్షం కురిసింది. హైదరాబాద్లోనూ తేలికపాటి జల్లులు కురిశాయి.
