న్యూఢిల్లీ: దేశవ్యాప్తంగా ఈ ఏడాదిలో జరగనున్న వివిధ పరీక్షల గడువు తేదీలను నేషనల్ టెస్టింగ్ ఏజెన్సీ(ఎన్టీఏ) పొడిగించింది. యూజీసీ నెట్, సీఎస్ఐఆర్ నెట్, జేఎన్యూఈ, ఐసీఏఆర్ ల దరఖాస్తు తేదీల గడువును జూన్ 15 వరకు పొడిగిస్తున్నట్లు సోమవారం తన అధికారికి వెబ్ సైట్లో ప్రకటించింది. ఆయా పరీక్షల దరఖాస్తు గడువు మే 31తో ముగిసినప్పటికీ, లాక్డౌన్ కారణంగా దరఖాస్తు చేయలేకపోయిన వారినుద్దేశించి మరికొద్ది రోజులు పొడిగించినట్లు హెచ్చార్డీ మంత్రి రమేశ్ పోఖ్రియాల్ ట్వీట్ చేశారు. వెబ్ సైట్ నుంచి ఈ నెల 15 సాయంత్రం 5 గంటల వరకు ఆన్ లైన్ లో అప్లికేషన్లు చేయవచ్చునని, రాత్రి 11.50 గంటల వరకు అప్లికేషన్ల ఫీజులు చెల్లించవచ్చని ఎన్టీఏ పేర్కొంది.
? In view of many requests received from students and the hardships faced by them due to COVID-19 epidemic, I have advised @DG_NTA to further extend the last dates of submission of Online Application Forms for the following exams: pic.twitter.com/koM9wwAjds
— Dr Ramesh Pokhriyal Nishank (@DrRPNishank) May 31, 2020
