హైదరాబాద్, వెలుగు : పిరమల్ ఎంటర్‌‌ప్రైజెస్‌ లిమిటెడ్‌‌కు పూర్తి అనుబంధ సంస్థ అయిన పిరమల్ క్యాపిటల్‌ అండ్‌ హౌసింగ్‌ ఫైనాన్స్‌ లిమిటెడ్‌ (పీసీహెచ్‌‌ఎఫ్‌‌ఎల్‌) వరంగల్‌‌లో మొట్టమొదటిసారిగా ‘గృహ ఉత్సవ్‌’ పేరుతో ప్రాపర్టీ ఎగ్జిబిషన్‌‌ను నిర్వహిస్తోంది. ఈ కార్యక్రమం ద్వారా ఈ కంపెనీ అందుబాటులో వడ్డీరేట్లకు హోంలోన్లను ఇస్తోంది. శాలరీ, సెల్ఫ్ఎంప్లాయ్మెంట్ఉన్న వాళ్లు దరఖాస్తు చేసుకోవచ్చు. గృహ ఉత్సవ్‌‌ను జూలై 16, జూలై 17, 2022 తేదీలలో ఉదయం 10 గంటల నుంచి రాత్రి 8 గంటల వరకూ నక్కలగుట్టలోని ఏకశిల హాల్లో నిర్వహించనున్నారు. ఈ కంపెనీ హోంలోన్లపై వడ్డీని 25బీపీఎస్‌ తగ్గించడంతో పాటుగా లాగిన్‌ ఫీజుగా రూ.499 మాత్రమే వసూలు చేస్తోంది. అవసరమైన పత్రాలను తీసుకువస్తే అక్కడికక్కడే హోంలోన్ మంజూరు చేస్తారు. 29 ప్రాజెక్టుల్లో ప్రత్యేక ఆఫర్లు కూడా ఉన్నాయని, వీటిని కనకదుర్గ హోమ్స్‌, వీ కన్‌‌స్ట్రక్షన్‌, హరిహర కన్‌‌స్ట్రక్షన్‌, శ్రీ మావీ (సిగ్నెట్‌) వంటి 12 మంది డెవలపర్లు అందిస్తున్నారని పిరమల్ తెలిపింది.
