ఉప్పల్, వెలుగు: చైన్ స్నాచింగ్కు పాల్పడిన ఓ దొంగను స్థానికులు పట్టుకుని చితకబాది పోలీసులకు అప్పగించారు. ఈ ఘటన మేడిపల్లి పోలీస్ స్టేషన్ పరిధిలో జరిగింది. శుక్రవారం బోడుప్పల్కు చెందిన జానకీ(65) సెవెన్ హిల్స్ కాలనీలో వాకింగ్ చేస్తోంది.
ఈ క్రమంలో యాదాద్రి భువనగిరి జిల్లా వలిగొండ మండలం దాసిరెడ్డిగూడేనికి చెందిన రాపోలు మహేశ్ ఆమె మెడిలో ఉన్న 4 తులాల గోల్డ్ చైన్ లాక్కుని పారిపోయేందుకు ప్రయత్నించాడు. బాధితురాలు పెద్దగా కేకలు వేయడంతో అప్రమత్తమైన స్థానికులు వెంబడించి దొంగను పట్టుకున్నారు. దేహశుద్ధి చేసి పోలీసులకు సమాచారమిచ్చారు. పోలీసులు నిందితుడిని అదుపులోకి తీసుకుని కేసునమోదు చేశారు.
