న్యూయార్క్: అమెరికా ప్రెసిడెంట్ జో బైడెన్ కరోనా బారిన పడ్డారు. ఆయనకు తేలికపాటి లక్షణాలున్నాయని వైట్ హౌస్ ప్రెస్ సెక్రటరీ కరీన్ జీన్-పియర్ గురువారం వెల్లడించారు. ప్రస్తుతం ఆయన వైట్హౌస్లోనే ఐసోలేషన్ లో ఉన్నారని, అక్కడి నుంచే ఆన్లైన్ ద్వారా సమావేశాల్లో పాల్గొంటారని, ఆదేశాలిస్తారని తెలిపారు. బైడెన్ ప్రస్తుతం యాంటీవైరల్ డ్రగ్ తీసుకుంటున్నారని చెప్పారు. కాగా, కరోనా నుంచి సేఫ్టీ కోసం ఇప్పటికే ప్రెసిడెంట్ రెండు డోసుల వ్యాక్సిన్ తీసుకున్నారు. ఈ మధ్యే బూస్టర్ డోసు కూడా వేయించుకున్నారు.
