అమెరికా ఎప్పటికీ ఇజ్రాయెల్ వెంటే ఉంటుందని అమెరికా విదేశాంగ మంత్రి ఆంటోనీ బ్లింకెన్ స్పష్టం చేశారు. గురువారం ఆయన ఇజ్రాయెల్ లో పర్యటించారు. టెల్ అవీవ్కు సమీపంలోని బెన్ గురియన్ ఇంటర్నేషనల్ ఎయిర్పోర్ట్లో దిగిన ఆయనను ఇజ్రాయెల్ విదేశాంగ మంత్రి ఎలి కోహెన్ రిసీవ్ చేసుకున్నారు. ఎయిర్పోర్ట్లోనే కోహెన్తో పాటు ఆ దేశ సీనియర్ అధికారులతో సమావేశం అయ్యారు.
హమాస్ టెర్రరిస్టుల దాడిలో చనిపోయిన వారికి నివాళులర్పించారు. హమాస్ వద్ద బందీలుగా ఉన్న అమెరికన్ల పరిస్థితి గురించి అడిగి తెలుసుకున్నారు. తర్వాత టెల్ అవీవ్లో ఇజ్రాయెల్ ప్రధాని నెతన్యాహుతో భేటీ అయ్యారు. ఈ సందర్భంగా ఇజ్రాయెల్పై హమాస్ దాడులను ఖండించారు. ఇజ్రాయెల్ కు మరింత భద్రత కల్పించి సహకారం అందిస్తామని ప్రకటించారు. ‘‘మేం మీతోనే ఉంటాం. టెర్రరిస్ట్లకు కలిసి బుద్ధి చెబుదాం. ఇజ్రాయెల్ గడ్డపై ఉండి ఈ హామీ ఇస్తున్నా”అని బెంజమిన్ నెతన్యాహుకు ఆంటోనీ బ్లింకెన్ భరోసా ఇచ్చారు.
