ఇండియాలో గుర్తించిన కరోనా వేరియంట్ పై తమ టీకా ఎఫెక్టివ్ గా పని చేస్తోందని కేంద్ర ప్రభుత్వానికి తెలిపింది అమెరికాకు చెందిన వ్యాక్సిన్ తయారీ సంస్థ ఫైజర్. భారత్ లో అత్యవసర వినియోగానికి అప్రూవర్ ఇస్తే... ఏడాది చివరి నాటికి 5 కోట్ల డోసులు అందిస్తామని స్పష్టం చేసింది. ఈ వ్యాక్సిన్ 12 ఏళ్లు పైబడిన వారికి కూడా పని చేస్తోందని చెప్పారు. అంతేకాక వ్యాక్సిన్ స్టోర్ చేయడం కూడా చాలా సులభమని చెప్పింది. నెల రోజుల పాటు 2 నుంచి 8 డిగ్రీల ఉష్ణోగ్రత దగ్గర స్టోర్ చేసుకోవచ్చని స్పష్టం చేసింది. ఇప్పటికే భారత ప్రభుత్వ ఉన్నతాధికారులతో సమావేశమైన ఫైజర్ ప్రతినిధులు కరోనాపై వ్యాక్సిన్ పని చేస్తున్న తీరును వివరించారు. ఈ వ్యాక్సిన్ వినియోగానికి ఇతర దేశాలు, WHO ఆమోదం తెలిపిన విషయాన్ని గుర్తు చేశారు.
