- సిటీలోని అన్ని ఏరియాల్లో ఇదే పరిస్థితి
- కార్లు, బైకులతో నిండిపోతున్న ఆఫీసులు, రెస్టారెంట్లు, షోరూంల ముందున్న రోడ్లు
- పెరిగిపోతున్న ట్రాఫిక్
- తీవ్ర ఇబ్బందులు పడుతున్న పాదచారులు
హైదరాబాద్, వెలుగు : సిటీలో వెహికల్ పార్కింగ్ ఇష్టానుసారంగా మారింది. షాపులు, రెస్టారెంట్లు, హోటళ్లు, షోరూంల ముందున్న పార్కింగ్స్థలం సరిపోక చాలా మంది కార్లు, బైకులను రోడ్లపైనే నిలుపుతున్నారు. ఫలితంగా ఆ రూట్లలో తీవ్రమైన ట్రాఫిక్జామ్అవుతోంది. పాదచారులకు కనీసం రోడ్ల వెంట నడిచేందుకు జాగా కూడా ఉండడం లేదు. పలుచోట్ల నో పార్కింగ్ బోర్డులున్నా ఎవరూ పట్టించుకోవడం లేదు. ఇష్టమొచ్చినట్లు పార్క్చేస్తున్నారు. ముఖ్యంగా కార్లతో చాలా ఇబ్బంది అవుతోంది. రాత్రిళ్లు ప్రమాదాలు జరుగుతున్నాయి.పరిస్థితి ఇంత దారుణంగా ఉన్నా ట్రాఫిక్పోలీసులు చలాన్లు వేసి చేతులు దులుపుకుంటున్నారు.
వీటితో ఇంకాస్త అధికం
జూబ్లీహిల్స్, బంజారాహిల్స్, అమీర్ పేట, కూకట్ పల్లి, మాదాపూర్, హైటెక్ సిటీ, మెహిదీపట్నం, లక్డీకాపూల్, తార్నాక, దిల్సుఖ్నగర్ ఇలా చాలా చోట్ల రోడ్ల మీదనే కార్లు, బైకులు పార్క్చేస్తున్నారు. సిటీలో రోజురోజుకు పెరుగుతున్న జనాభా, వెహికల్స్కు ఉన్న రోడ్లు సరిపోవడం లేదు. దీంతో మెయిన్రోడ్లపై ట్రాఫిక్ సమస్య అధికం అవుతోంది. దీనికితోడు రోడ్ల మీద పార్క్చేస్తున్న వెహికల్స్సమస్యను మరింత పెంచుతున్నాయి. ముఖ్యంగా వానల టైంలో కిలో మీటర్లు మేర ట్రాఫిక్నిలుస్తోంది. పంజాగుట్ట సర్కిల్నుంచి కేబీఆర్పార్క్మెయిన్గేట్రూట్లో పరిస్థితి దారుణంగా ఉంటుంది. స్టార్ హోటల్స్, షోరూంల ముందు నడిరోడ్డుపైనే కార్లు నిలుపుతున్నారు. ది బర్త్ప్లేస్హాస్పిటల్వద్ద ఉన్న సిగ్నల్స్నుంచి నుంచి కేబీఆర్ సిగ్నల్స్ వరకు ఇదే తీరున ఉంటున్నాయి. అలాగే బంజారాహిల్స్తాజ్‌మహల్ హోటల్, స్టార్ బక్స్ హోటళ్ల ముందు ఏ టైంలో చూసినా ఇలాగే ఉంటోంది. సరిపడా పార్కింగ్స్థలం లేక ఇలా రోడ్లపై నిలుపుతున్నారు. క్లాబ్లలో వచ్చేవాళ్లు రోడ్ల మీదనే ఆపి దిగుతున్నారు. ఒక్క బంజారాహిల్స్లో మాత్రమే కాదు సిటీలోని అన్ని ప్రధాన రోడ్లపై ఇదే సమస్య కొనసాగుతోంది. ఉదయం, సాయంత్రం టైంలో కేబీఆర్పార్కు చుట్టూ కార్లు పార్క్చేస్తున్నా ట్రాఫిక్పోలీసులు చర్యలు తీసుకోవడం లేదు.
ఫుట్పాత్లనూ వదలట్లేదు
పెద్ద పెద్ద స్టోర్లు తమ పార్కింగ్ కి ఫుట్‌పాత్‌లను వాడుకుంటున్నాయి. పాదచారులు వెళ్లేందుకు వీలులేక రోడ్డు యాక్సిడెంట్లకు గురవుతున్నారు. ఎటు నుంచి ఏ వెహికల్వచ్చి ఢీకొడుతుందోనని బిక్కుబిక్కు మంటూ నడవాల్సిన పరిస్థితి ఉంది. అధికారులు ఫుట్‌పాత్ల ఆక్రమణలను పట్టించుకోవడం లేదు. అప్పుడప్పుడు హడావుడి చేసి వదిలేస్తున్నారు. ఇదే అలుసుగా షాపుల ఓనర్లు ఇష్టానుసారంగా వ్యవహరిస్తున్నారు.
ప్రతిరోజూ టెన్షనే
నేను బంజారాహిల్స్ లోని ఒక కంపెనీలో పని చేస్తున్నాను. బస్టాప్ నుంచి ఆఫీసుకు కొంత దూరం నడవాల్సి ఉంటుంది. ఆ రూట్‌లో ఫుట్ పాత్‌లు సరిగా లేవు. రోడ్డు ఓ పక్కగా నడిచి వెళ్దామంటే అడ్డదిడ్డంగా కార్లు పార్క్చేస్తున్నారు. దీంతో నడిరోడ్డుపై నడుస్తూ వెళ్తున్నాను. వెనుక నుంచి ఏ వెహికల్వచ్చి గుద్దుతుందోనని భయం వేస్తుంది.
– మానస, ప్రైవేట్ ఎంప్లాయ్, బంజారాహిల్స్
ఎవరూ పట్టించుకోవట్లే..
ఫొటోలు తీసి చలాన్లు వేస్తున్న ట్రాఫిక్పోలీసులు ఇల్లీగల్పార్కింగ్పై చర్యలు తీసుకుంటే బాగుంటుంది. వానలకు రోడ్లపై ఎక్కడికక్కడ గుంతలు ఏర్పడ్డాయి. వీటికి తోడు రోడ్లన్నీ కార్లు, బైకులతో నిండిపోతున్నాయి. బైక్లేదా కారుతో ఇంటి నుంచి బయటికి వస్తే ముందుకు కదిలే పరిస్థితి ఉండడం లేదు. ఇష్టమొచ్చినట్లు రోడ్లు ఆక్రమించి పార్క్చేస్తున్నా ఎవరూ పట్టించుకోవడంలేదు.
– సుమంత్, కూకట్పల్లి
