వేములవాడ టెంపుల్ డెవలప్ మెంట్ అథారిటీ చీఫ్ ప్లానింగ్ అధికారి లక్ష్మణ్ గౌడ్ ఏసీబీకి చిక్కారు. హైదరాబాద్ లోని కోఠీలో ఆరున్నర లక్షల లంచం తీసుకుంటూ అధికారులకు పట్టుబడ్డారు. వేములవాడ కు చెందిన సంపత్ అనే వ్యక్తి రుద్రావరంలో 8 ఎకరాల భూమిని కొనుగోలు చేశాడు. ఆ భూమికి సంబంధించి లేఅవుట్ అనుమతి కోసం లక్ష్మణ్ గౌడ్ ను ఆశ్రయించాడు. ఈ అనుమతి మంజూరు చెయ్యాలంటే 8 లక్షలు ఇవ్వాలంటూ సంపత్ ను లక్ష్మణ్ గౌడ్ డిమాండ్ చేశాడు. చివరకు 6లక్షల 50 వేలకు ఒప్పందం కుదుర్చుకున్నాడు. కోఠి హనుమాన్ వ్యాయమశాల సమీపంలోని లక్ష్మణ్ గౌడ్ ఇంటి వద్ద లంచం తీసుకొంటుండగా ACB అధికారులు లక్ష్మణ్ గౌడ్ ను పట్టుకున్నారు.
