–కొడంగల్, వెలుగు: వికారాబాద్–- రాయచూర్ రైల్వేలైన్ సర్వే పనుల్లో వేగం పెరిగింది. కొడంగల్, పరిగి, మక్తల్, నారాయణపేట ప్రాంతాలకు అనుసంధానిస్తూ కొత్త రైల్వే ప్రాజెక్ట్ ను చేపట్టేందుకు రాష్ర్ట ప్రభుత్వం గ్రీన్ సిగ్నల్ఇచ్చింది. లోక్ సభ ఎన్నికల కంటే ముందే ప్రాజెక్టు అభివృద్ధికి ప్లాన్ రూపొందించాలని దక్షిణ మధ్య రైల్వే జనరల్ మేనేజర్అరుణ్ కుమార్జైన్కు ముఖ్యమంత్రి రేవంత్రెడ్డి సూచించారు. నిర్లక్ష్యానికి గురైన వికారాబాద్–- రాయచూర్ రూట్ ను కంప్లీట్ చేయాల్సిన అవసరం ఉందని రైల్వే అధికారులకు ముఖ్యమంత్రి స్పష్టం చేశారు.
ఈ రూట్ పూర్తయితే రవాణా వ్యవస్థ మెరుగవడంతో పాటు పరిశ్రమలు ఏర్పాటవుతాయి. కొడంగల్, నారాయణపేట ప్రాంతాల్లో సున్నం, నాపరాయి నిక్షేపాలు పుష్కలంగా ఉండగా కొత్త పరిశ్రమల రాకతో..ఉపాధి అవకాశాలు పెరుగుతాయి. ముందుగా వికారాబాద్నుంచి కృష్ణ వరకు ప్రాజెక్టు చేపట్టాల్సి ఉండగా రాయిచూర్వరకు పొడిగించారు. 122 కిలోమీటర్లు, రూ.2,196 కోట్ల ఖర్చువికారాబాద్– రాయచూర్ కొత్త రైల్వే ప్రాజెక్టు 122 కిలోమీటర్ల సర్వేకు గత సెప్టెంబర్ లో రైల్వే మంత్రిత్వ శాఖ జీవో నం. 418/2023-24 ద్వారా రూ. 2,196 కోట్లు మంజూరు చేస్తూ ఉతర్వులు జారీ చేసింది. తద్వారా ప్రాజెక్ట్ పూర్తయితే కొడంగల్ప్రజలు కల తీరనుంది.
