గంభీరావుపేట,వెలుగు: సిద్దిపేట,- కామారెడ్డి ప్రధాన రహదారి నుంచి కొత్తపల్లి గ్రామానికి డబుల్ రోడ్డు వేయాలని మండలంలోని గ్రామస్తులు రోడ్డుపై వరి నాట్లు వేస్తూ నిరసన తెలిపారు. ఈ సందర్భంగా వారు మాట్లాడుతూ రోడ్డుపై గుంతలు ఏర్పడి చెరువును తలపిస్తున్నాయన్నారు.
ఈ రోడ్డుపై వెళ్లే ప్రయాణికులు తీవ్ర ఇబ్బందులు పడుతున్నారన్నారు. ఇప్పటికైనా మంత్రి కేటీఆర్ స్పందించి డబుల్ రోడ్డు నిర్మిచాలని డిమాండ్ చేశారు. కార్యక్రమంలో బీసీ సేన జిల్లా ప్రెసిడెంట్ ప్రవీణ్ , బీఎస్పీ మండల అధ్యక్షుడు అనిల్, నాయకులు గౌత గణేశ్, పర్శరాములు గౌడ్ , భాస్కర్, గణేశ్, గుర్రం రాజా గౌడ్, ఆంజనేయులు, రాము, గ్రామస్తులు పాల్గొన్నారు.
