- ఎన్నిరోజులు తిరిగినా ఆమెను తెలంగాణ బిడ్డ అనుకోరు
- రాష్ట్ర ప్రణాళిక సంఘం ఉపాధ్యక్షుడు బోయినపల్లి వినోద్ కుమార్
- షర్మిల అవార్డు వచ్చే రేంజ్లో నటిస్తోంది : చీఫ్ విప్ వినయ్భాస్కర్
హనుమకొండ, వెలుగు: టీఆర్ఎస్ లీడర్లు, సీఎం కేసీఆర్ ఫ్యామిలీని తిట్టడానికే వైఎస్ఆర్టీపీ అధ్యక్షురాలు షర్మిల పాదయాత్ర చేపట్టారని రాష్ట్ర ప్లానింగ్కమిషన్ వైస్ చైర్మన్ బోయినపల్లి వినోద్ కుమార్ ఫైర్అయ్యారు. ఆమె సరైన రాజకీయ క్షేత్రం ఎంచుకోలేదని, ఆంధ్రప్రదేశే ఆమె రాజకీయ క్షేత్రం అవుతుందన్నారు. తెలంగాణ ఎట్టి పరిస్థితుల్లో కాబోదని స్పష్టం చేశారు. ప్రభుత్వ చీఫ్ విప్ దాస్యం వినయ్ భాస్కర్ఆధ్వర్యంలో నిర్వహిస్తున్న దీక్షా దివస్ కార్యక్రమానికి వినోద్కుమార్ చీఫ్ గెస్ట్ గా హాజరయ్యారు. వరంగల్ మున్సిపల్ కార్పొరేషన్లోని దీక్షా దివస్ పైలాన్నుంచి హనుమకొండలోని అమరవీరుల స్తూపం వరకు చేపట్టిన బైక్ ర్యాలీని ప్రారంభించారు. అంతకుముందు దీక్షా దివస్ పైలాన్ వద్ద నిర్వహించిన మీడియా సమావేశంలో వినోద్కుమార్ మాట్లాడారు. వైఎస్ రాజశేఖర్రెడ్డి పచ్చి తెలంగాణ వ్యతిరేకి అని, తెలంగాణకు అడ్డుపడ్డది ఆయనేనన్నారు. వైఎస్ఆర్కు తెలంగాణకు ఎలాంటి సంబంధం లేదని చెప్పారు. ఆయన కూతురుగా షర్మిల ఇప్పుడు రాష్ట్రంలో పాదయాత్రలు చేస్తున్నారని, రాష్ట్రంలో ఎన్ని రోజులు పాదయాత్ర చేసినా ఆమెను తెలంగాణ బిడ్డగా ఎవరూ భావించరన్నారు. షర్మిల ఇప్పటికైనా రియలైజ్అయి..ప్రజాక్షేత్రాన్ని మార్చుకోవాలని, ఏపీకి వెళ్లి పాదయాత్రలు చేసుకోవాలని సలహా ఇచ్చారు.
అసలు వైఎస్జగన్, షర్మిల ఇద్దరూ ఒక్కటేనా.. లేక వేర్వేరా అనేది అర్థం కాని పరిస్థితి నెలకొందన్నారు. కేంద్రంలో ఉన్న బీజేపీ ప్రభుత్వం వదిలిన కార్యకర్త షర్మిల అని, అమిత్షాతో మాట్లాడిన తరువాతే ఆమె పాదయాత్ర స్టార్ట్ చేసిందన్నారు. పాదయాత్రలతో జనాలను మభ్యపెట్టి కేసీఆర్ను కించపరిచేలా ఉపన్యాసాలు ఇస్తోందని మండిపడ్డారు. నర్సంపేట ఎమ్మెల్యే గురించి అనవసర మాటలు మాట్లాడుతోందన్నారు. ఎమ్మెల్యేలను కించపరిచేలా మాట్లాడడం ఏమిటన్నారు. -రాజకీయాల్లో విమర్శలు చేయాలి గానీ.. ఆమె మాట్లాడే భాష సరిగ్గా లేదన్నారు. ఇక బీజేపీ రాష్ట్ర అధ్యక్షుడు బండి సంజయ్ భైంసాలో మత విద్వేషాలు రగల్చాలని చూస్తున్నాడని, దాన్ని రాష్ట్రమంతా వ్యాప్తి చేయాలని చూస్తున్నాడన్నారు. అంతకుముందు ప్రభుత్వ చీఫ్ విప్ దాస్యం వినయ్భాస్కర్ మాట్లాడుతూ షర్మిల అవార్డు వచ్చే రేంజ్లో నటిస్తున్నారని, దెబ్బలు తగలకున్నా బ్యాండేజీలు కట్టుకుని టీవీ డిబేట్లలో పాల్గొంటోందన్నారు. మేయర్ గుండు సుధారాణి, రాష్ట్ర రుణ విమోచన కమిషన్ చైర్మన్ నాగుర్ల వెంకటేశ్వర్లు, జిల్లా గ్రంథాలయ సంస్థ చైర్మన్ అజీజ్ఖాన్, కుడా మాజీ చైర్మన్ మర్రి యాదవరెడ్డి, నాయకులు నాగేశ్వరరావు, జోరిక రమేశ్ పాల్గొన్నారు.
