అమరావతి: ఏపీ అమరావతిలోని వెల్లూర్ ఇన్స్టిట్యూట్ ఆఫ్ టెక్నాలజీ–ఆంధ్రప్రదేశ్ (వీఐటీ–ఏపీ) యూనివర్సిటీ డే వేడుకలు శనివారం ఘనంగా జరిగాయి. వీఐటీ–ఏపీ యూనివర్సిటీ ఐదేండ్లు పూర్తి చేసుకున్న సందర్భంగా వర్సిటీ క్యాంపస్లో పెద్ద ఎత్తున సంబురాలు జరుపుకొన్నారు. ఈ సందర్భంగా జరిగిన సమావేశంలో యూనివర్సిటీ యాన్యువల్ రిపోర్ట్ ను చీఫ్ గెస్ట్గా హాజరైన బాష్ గ్లోబల్ సాఫ్ట్ వేర్ టెక్నాలజీస్ కంపెనీ వైస్ ప్రెసిడెంట్, గ్లోబల్ హెచ్ఆర్ అధిపతి రాజ్ కుమార్ బోనం ఆవిష్కరించారు.
భవిష్యత్తులో ఆటోమోటివ్ పార్ట్స్ను సాఫ్ట్వేర్ ఆధారిత సొల్యూషన్సే 40% రీప్లేస్ చేస్తాయని ఆయన అన్నారు. ఈ రంగంలో బాష్ నుంచి కూడా త్వరలోనే ఉద్యోగ అవకాశాలు ఉంటాయని వెల్లడించారు. అనంతరం వివిధ కేటగిరీల్లో ప్రతిభ కనపర్చిన విద్యార్థులకు అవార్డులను అందజేశారు. ఐదేండ్ల సర్వీస్ పూర్తి చేసుకున్న వర్సిటీ స్టాఫ్ ను సన్మానించారు. కార్యక్రమంలో వీఐటీ ఫౌండర్, చాన్స్లర్ జి. విశ్వనాథన్, యూనివర్సిటీ వీసీ ఎస్.వి. కోటరెడ్డి, రిజిస్ట్రార్ జగదీష్ చంద్ర ముదిగంటి, డిప్యూటీ డైరెక్టర్ అనుపమ నంబూరు పాల్గొన్నారు.
