మాల విద్యుత్ ఉద్యోగుల క్యాలెండర్ ఆవిష్కరణ

పాల్వంచ, వెలుగు: తెలంగాణ మాల విద్యుత్ ఉద్యోగుల సంక్షేమ సంఘం ఆధ్వర్యంలో ముద్రించిన 2022 క్యాలెండర్ ను బీజేపీ జాతీయ కార్యవర్గ సభ్యులు, మాజీ ఎంపీ గడ్డం వివేక్ వెంకటస్వామి ఆదివారం హైదరాబాద్ లో ఆవిష్కరించారు. వివేక్ వెంకటస్వామి మాట్లాడుతూ విద్యుత్ ఉద్యోగులకు ఏ సమస్య వచ్చినా కేంద్రంతో మాట్లాడి పరిష్కరిస్తానని హామీ ఇచ్చారు. ఈ సందర్భంగా వివేక్ వెంకటస్వామికి వేంకటేశ్వరుని చిత్రపటం బహూకరించారు. కార్యక్రమంలో విద్యుత్ ఉద్యోగుల సంఘం జాతీయ అధ్యక్షులు బూర్గుల విజయ భాస్కర్, మాల మహానాడు జాతీయ అధ్యక్షులు చెన్నయ్య, పత్తి శ్రావణ్, శ్రీకాంత్, బద్దం రాహుల్ పాల్గొన్నారు.