వరంగల్, వెలుగు : లండన్ బ్లూమ్స్ బెర్రీ ఇనిస్టిట్యూట్లో చదువుతున్న వరంగల్కు చెందిన ఓ విద్యార్థిని సోమవారం ఉరివేసుకొని ఆత్మహత్య చేసుకుంది. నగరంలోని పోచమ్మ మైదాన్ ప్రాంతానికి చెందిన బసవరాజ్ రమేశ్, విజయ దంపతుల కూతురు శ్రావణి(27). రమేశ్ లారీ డ్రైవర్ కాగా తల్లి గృహిణి. అప్పులు చేసి, ఉన్న కొన్ని అస్తులు అమ్మి ఎనిమిది నెలల కింద శ్రావణిని లండన్ పంపారు. ఏడాదిలో జాబ్లో జాయిన్ అవుతుందని, అప్పులన్నీ తీర్చెయ్యవచ్చని అనుకున్నారు. ఆ పరిస్థితి కనిపించకపోవడంతో శ్రావణి కలత చెందింది.
ఈ కారణంతోనే శ్రావణి ఆత్మహత్యకు పాల్పడి ఉండవచ్చని అనుమానిస్తున్నారు. విషయం తెలుసుకున్న లండన్లోని వరంగల్ ఎన్నారై ఫోరం బృందం అధ్యక్షుడు శ్రీధర్ నీల, ఫౌండర్ కిరణ్ పసునూరి, జాయింట్ సెక్రెటరీ ప్రవీణ్ బిట్ల, ఉమెన్ వింగ్ సెక్రెటరీ మేరీ ఏగా అక్కడి ఇండియా ఎంబసీ అధికారులతో మాట్లాడారు. బుధవారం ఉదయం శ్రావణి డెడ్బాడీని శంషాబాద్ఎయిర్పోర్ట్కు తీసుకురానున్నారు. అలాగే శ్రావణి కుటుంబానికి రూ. 30 లక్షల ఆర్థిక సాయం చేశారు.
