వాట్సాప్లో మరొక ఇంట్రెస్టింగ్ ఫీచర్ త్వరలోనే రాబోతుంది. అదేంటంటే.. చాట్ బ్యాకప్లను పాస్కీ ఎన్క్రిప్షన్తో ప్రొటెక్ట్ చేయొచ్చు. అంటే ఈ ఫీచర్ వస్తే చాట్ బ్యాకప్ సేఫ్ అన్నమాట. పాస్ వర్డ్ లేదా 6 – డిజిట్స్ కీ ఎంటర్ చేయాల్సిన అవసరం లేదు. వాట్సాప్ బ్యాకప్ను ఫింగర్ ప్రింట్, ఫేస్ అన్లాక్ లేదా స్క్రీన్ లాక్ వంటి బయోమెట్రిక్ అథెంటికేషన్ ద్వారా ఎన్క్రిప్ట్ చేయొచ్చు. మెటా ప్రకారం, ఫింగర్ ప్రింట్, ఫేస్ రికగ్నిషన్ లేదా లాక్ కోడ్ వంటి డివైజ్ ఇంటర్నల్ బయోమెట్రిక్ అథెంటికేషన్ సిస్టమ్ ఉపయోగిస్తుంది. చాట్ బ్యాకప్లను ఎన్క్రిప్ట్ చేసిన యూజర్లు మాత్రమే డీ క్రిప్ట్ చేయగలరు.
‘జీరో–నాలెడ్జ్’ సిస్టమ్ అంటే వాట్సాప్ కూడా బ్యాకప్లను ట్రాక్ చేయలేదు. దీన్ని ఎలా ఎనేబుల్ చేయాలంటే.. ముందుగా వాట్సాప్ ఓపెన్ చేసి settings>chats>chat backup> end to end encrypted ఆప్షన్‌ని సెలక్ట్ చేసుకోవాలి. పాస్ కీ ఎన్క్రిప్షన్ కనిపిస్తుంది. ఆ ఆప్షన్ ఎనేబుల్ చేయాలి. తర్వాత ఫోన్ బయోమెట్రిక్ అథెంటికేట్ కోసం అడుగుతుంది. వెరిఫై తర్వాత చాట్ బ్యాకప్ పాస్ కీతో ఎన్ క్రిప్ట్ అవుతుంది. ఈ ప్రాసెస్ తర్వాత పాస్వర్డ్ను గుర్తుంచుకోవాల్సిన అవసరం లేదు.
బ్యాకప్ను రిస్టోర్ కోసం అథెంటికేట్ (ఫింగర్ ప్రింట్, ఫేస్ లేదా పిన్) మాత్రమే అవసరం. ఈ ఫీచర్ మొదట ఆండ్రాయిడ్ వాట్సాప్ బీటాలో టెస్టింగ్ అయింది. ఇప్పుడు స్టేబుల్ వెర్షన్లోకి వచ్చింది. మరికొన్ని రోజుల్లో డివైజ్లకు అందుబాటులో ఉంటుంది. లేటెస్ట్ వెర్షన్కు యాప్ను అప్డేట్ చేస్తే ఈ ఫీచర్ ఉపయోగించుకోవచ్చు.
పాత రీల్స్ మళ్లీ చూడొచ్చు
ఇన్స్టాగ్రామ్లో ‘రీల్స్ వాచ్ హిస్టరీ’ అనే సరికొత్త ఫీచర్ను లాంచ్ చేసింది మెటా కంపెనీ. ఈ కొత్త ఫీచర్ ద్వారా ఇప్పటికే చూసిన షార్ట్ వీడియోలను తిరిగి చూడొచ్చు. మీరు లైక్ లేదా సేవ్ చేయడం మర్చిపోయిన రీల్ కోసం సెర్చ్ చేయాల్సిన అవసరం లేదు. అలాగే ఈ ఫీచర్ కంటెంట్ ఈజీగా గుర్తించుకోవడమే కాకుండా రీల్స్ యూజర్ ఫ్రెండ్లీగా చేస్తుంది. యూజర్లు తమ వీడియోలను తేదీ వారీగా, ఓల్డ్ నుంచి న్యూగా కస్టమైజ్ చేయొచ్చు.
అందుకోసం ముందుగా ఇన్స్టాగ్రామ్ ప్రొఫైల్కు వెళ్లాలి. టాప్ రైట్ సైడ్ ఉన్న త్రీ–లైన్ మెనూని ట్యాప్ చేయాలి. సెట్టింగ్స్ ఆప్షన్ సెలక్ట్ చేసుకోవాలి. యువర్ యాక్టివిటీకి వెళ్లాలి. హిస్టరీ ఆప్షన్ మీద ట్యాప్ చేయాలి. దీంతో రీసెంట్గా చూసిన రీల్స్ ఫిల్టర్ టూల్స్తో పాటు చూడగలరు. ఈ ఫీచర్ ప్రజెంట్ అందరికీ అందుబాటులో లేదు. ఇండియాతో మరికొన్ని దేశాల్లో కొత్త వెర్షన్కు అప్డేట్ అయినవాళ్లకు మాత్రమే అందుబాటులో ఉంది.
