కామారెడ్డి, వెలుగు: సంక్షేమ పథకాల అమలులో తెలంగాణ దేశంలోనే మొదటి స్థానంలో ఉందని విప్, కామారెడ్డి ఎమ్మెల్యే గంప గోవర్ధన్పేర్కొన్నారు. శనివారం మాచారెడ్డి, పాల్వంచ మండలాల్లోని చుక్కాపూర్, ఫరీద్పేట, వాడి, భవానిపేట, ఆరేపల్లి, వెల్పుగొండ గ్రామాల్లో రూ.12 కోట్లతో చేపట్టిన అభివృద్ధి పనులకు ప్రారంభోత్సవాలు, శంకుస్థాపనలు చేశారు.
ఆయా చోట్ల గంప గోవర్ధన్ మాట్లాడుతూ.. సీఎం కేసీఆర్ ఆలయాలను ఆధ్మాత్మిక క్షేత్రాలుగా తీర్చి దిద్దుతున్నారన్నారు. ఇందులో భాగంగానే నియోజకవర్గంలోని ఆలయాలకు ప్రత్యేకంగా నిధులు కేటాయించినట్లు చెప్పారు. కామారెడ్డి అభివృద్ధి కోసమే కేసీఆర్ఇక్కడి నుంచి పోటీ చేస్తున్నారని స్పష్టం చేశారు. ఎంపీపీ నర్సింగ్రావు, జడ్పీటీసీ మినుకూరి రాంరెడ్డి, వైస్ఎంపీపీ నర్సింహారెడ్డి పాల్గొన్నారు.
