ఈ చిన్నారి పేరు అమెలియా అనిసోవిచ్. వయసు ఏడేండ్లు. రష్యా యుద్ధం కారణంగా సొంత దేశమైన ఉక్రెయిన్ నుంచి పోలెండ్కి రెఫ్యూజీ (శరణార్థి)గా వచ్చింది. అక్కడి రెఫ్యూజీ క్యాంప్లో అమ్మమ్మ, అన్నయ్యతో కలిసి ఉంటోంది. కొన్ని రోజుల కిందట కీవ్లోని ఒక బంకర్లో అమెలియా పాడిన ‘లెట్ ఇట్ గో’ పాట సోషల్ మీడియాలో వైరల్ అయింది. ఈమధ్యే రెఫ్యూజీలకు ఫండ్స్ రైజింగ్ కోసం ఉక్రెయిన్
జాతీయ గీతం పాడి అందరి మనసులు గెలిచింది ఈ పాపాయి.
రష్యా సైన్యం యుద్ధం మొదలైన కొత్తలో కీవ్నగరాన్ని తమ గుప్పిట్లోకి తెచ్చుకోవడం కోసం మిసైల్స్, బాంబు దాడులు చేసింది. ప్రాణాలు కాపాడుకునేందుకు అమెలియా తల్లిదండ్రులు ఒక బంకర్లో తలదాచుకున్నారు. అక్కడ బిక్కుబిక్కుమంటూ ఉన్నవాళ్లలో అమెలియా
క్లాస్మేట్ కూడా ఉంది. భయపడుతున్న తన క్లాస్మేట్లో ధైర్యం నింపేందుకు పాపులర్ డిస్నీ మూవీ ‘ఫ్రోజెన్’లోని ‘లెట్ ఇట్ గో” పాట పాడింది అమెలియా. ‘పోయిన దాన్ని మర్చిపోండి. గతం ఎప్పుడూ తిరిగి రాదు. అందుకే దాన్ని మర్చిపోండి. ఒక కొత్త రోజు మీకు దారి చూపిస్తుంది’ అంటూ ఈ చిన్నారి పాడుతుంటే బంకర్లో ఉన్నవాళ్లు చప్పట్లు కొడుతూ ఎంకరేజ్ చేశారు. అమెలియా పాడుతున్న వీడియోని ఒకరు ఫేస్బుక్లో పెట్టారు. యుద్ధం మిగిల్చిన బాధ నుంచి బయటపడాలంటూ ఆ చిన్నారి పాడిన పాట ఎంతోమందిని కదిలించింది.
ఛారిటీ కన్సర్ట్లో...
‘లెట్ ఇట్ గో’ పాటతో సోషల్ మీడియాలో వైరల్ అయిన అమెలియా రెఫ్యూజీ ఫండ్ రైజింగ్ కోసం మళ్లీ పాట పాడింది. పోలెండ్లోని ఒక సాకర్ స్టేడియంలో టివిఎన్ అనే మీడియా సంస్థ గత ఆది వారం ‘టుగెదర్ ఫర్ ఉక్రెయిన్’ ఛారిటీ కన్సర్ట్ నిర్వ హించింది. ఆ ఈవెంట్లో తెల్ల గౌన్ వేసుకుని వేలాది మంది ముందు ఉక్రెయిన్ జాతీయ గీతం పాడింది అమెలియా. తర్వాత నవ్వుతూ అందర్నీ విష్ చేసింది. ఆ చిన్నారి వాయిస్కి అక్కడి వాళ్లంతా ఫిదా అయ్యారు. జాన్ కూపర్ అనే పెద్దాయన ఆ వీడియోని ట్విట్టర్లో పెట్టాడు. ఇప్పటి వరకు 30 లక్షల మందికి పైగా ఆ వీడియోని చూశారు. ఈ చిన్నారి సింగింగ్ టాలెంట్ని మెచ్చుకుంటూ కామెంట్లు పెడుతున్నారు చాలామంది. ఆ ఈవెంట్ ద్వారా 2 కోట్ల రూపాయల ఫండ్స్ జమ అయ్యాయి.
సింగర్ అవ్వాలని...
‘‘నేను ప్రతిరోజు పాటలు పాడటం ప్రాక్టీస్ చేస్తా. మా జాతీయ గీతాన్ని చాలాసార్లు రిహార్సల్ చేశా. అందుకే అందరి ముందు అంత బాగా పాడగలిగా. సింగర్ అవ్వాలనేది నా డ్రీమ్. పెద్ద వేదిక మీద వేలా దిమంది ఆడియెన్స్ ముందు పాడాలని ఉంది. నేను బొమ్మలు కూడా బాగా గీస్తా” అంటోంది అమెలియా.
