ఆహార ధరలు పడిపోవడంతో గత నెల టోకు ధరల ద్రవ్యోల్బణం (డబ్ల్యూపీఐ) దిగివచ్చింది. ప్రభుత్వ లెక్కల ప్రకారం, సెప్టెంబర్లో డబ్ల్యూపీఐ ద్రవ్యోల్బణం భారీగా తగ్గి 0.13 శాతంగా నమోదైంది. ఆగస్టులో ఇది 0.52 శాతం ఉండగా, గత సంవత్సరం సెప్టెంబర్లో 1.91 శాతంగా ఉంది.
ఆహార పదార్థాలు 5.22 శాతం ప్రతికూల ద్రవ్యోల్బణం నమోదు చేశాయి. ఆగస్టులో ఇది 3.06 శాతం ఉంది. ముఖ్యంగా కూరగాయల ధరలు తగ్గడం ఇందుకు కారణం. తయారీ ఉత్పత్తుల ద్రవ్యోల్బణం ఆగస్టులో 2.55 శాతం నుంచి సెప్టెంబర్లో 2.33 శాతానికి తగ్గింది.
