సూర్యకుమార్ యాదవ్‌కు షాక్.. ముంబై రంజీ జట్టులో ఎందుకు చోటివ్వలేదంటే?

Suryakumar Yadav: భారత టీ20 జట్టులో చోటు కోల్పోయిన మాజీ కెప్టెన్, స్టార్ బ్యాటర్ సూర్యకుమార్ యాదవ్ (Suryakumar Yadav) దేశవాళీ క్రికెట్‌లోనూ ఊహించని ఎదురుదెబ్బను తగిలింది. చండీగఢ్‌తో అక్టోబర్ 11వ తేదీ నుంచి వాంఖడే వేదికగా జరగనున్న రంజీ ట్రోఫీ సీజన్ ఆరంభ మ్యాచ్ కోసం ప్రకటించిన 16 మంది సభ్యుల ముంబై జట్టులో సూర్యకు చోటు దక్కలేదు. తాను అందుబాటులో ఉన్నానని ప్రకటించినప్పటికీ, సెలెక్టర్లు అతన్ని పక్కన పెట్టడం ప్రస్తుతం క్రికెట్ వర్గాల్లో చర్చనీయాంశమైంది.   

సూర్యకుమార్ ని తప్పించడానికి అసలు కారణం ఇదే: 

* ముంబై క్రికెట్ అసోసియేషన్ (MCA) వర్గాల సమాచారం ప్రకారం, సూర్యకుమార్ యాదవ్ జట్టుకు దూరమవడానికి ప్రధానంగా కొన్ని కారణాలు ఉన్నాయి. 

* ప్రీ-సీసన్ క్యాంప్‌కు గైర్హాజరు: ముంబై రంజీ ఆటగాళ్లు గత కొద్ది వారాలుగా CCI, BKC గ్రౌండ్‌లో జరుగుతున్న ప్రీ-సీసన్ ప్రాక్టీస్ క్యాంప్‌లో నిరంతరం పాల్గొంటున్నారు. కానీ సూర్యకుమార్ ఈ క్యాంప్‌నకు హాజరుకాకపోవడం గమనార్హం.

* స్పందించని వైనం: సుమారు 10 రోజుల క్రితం సెలెక్టర్లు ముంబై జట్టు ఎంపిక కోసం సంప్రదించినప్పుడు సూర్యకుమార్ నుంచి సరైన స్పందన రాలేదని, ఆ తర్వాతే అతడు తాను అందుబాటులో ఉన్నట్లు తెలిపారని సమాచారం.

* రెడ్-బాల్ అనుభవం లేకపోవడం: గత ఏడాదిన్నరగా సూర్యకుమార్ ఎలాంటి రెడ్-బాల్ (ఫస్ట్-క్లాస్) క్రికెట్ ఆడకపోవడం కూడా ఆయన ఎంపికపై ప్రభావం చూపింది.

* యువ ఆటగాళ్లకు ప్రాధాన్యత: జట్టులో ఇప్పటికే నిలకడగా రాణిస్తున్న యువ ఆటగాళ్లను కాదని సూర్యకుమార్‌ను తీసుకోవడం సరికాదని, జట్టు ప్రయోజనాల దృష్ట్యా సెలెక్టర్లు ఏకగ్రీవంగా ఈ నిర్ణయం తీసుకున్నట్లు తెలుస్తోంది.   

ముంబై రంజీ జట్టు భవిష్యత్తు ప్రణాళికలు: 

* సూర్యకుమార్ యాదవ్‌కు ముంబై జట్టు తలుపులు పూర్తిగా మూసుకుపోలేదని MCA స్పష్టం చేసింది. త్వరలో జరగబోయే స్థానిక క్లబ్ క్రికెట్ టోర్నమెంట్లు (పోలీస్ షీల్డ్ లేదా పురుషోత్తం షీల్డ్) ఆడితే అతను మళ్లీ రంజీ కంటెన్షన్‌లోకి వచ్చే అవకాశం ఉంది.

* వైట్-బాల్ క్రికెట్‌లో సూర్యకుమార్ భవిష్యత్తుపై క్లారిటీ ఇచ్చింది. జాతీయ జట్టులో ఆయన స్థానం సంగతి ఎలా ఉన్నప్పటికీ, ముంబై వైట్-బాల్ జట్టు కెప్టెన్సీ రేసులో ఆయన ముందున్నారు. కానీ, శ్రేయస్ అయ్యర్ అందుబాటులో లేని పక్షంలోనే సూర్యకుమార్‌కు ముంబై వైట్-బాల్ కెప్టెన్సీ బాధ్యతలు దక్కే ఛాన్స్ ఉంది. 

ముంబై రంజీ జట్టు: 

* అక్టోబర్ 11 నుంచి 14వ తేదీ వరకు వాంఖడే వేదికగా చండీగఢ్‌తో జరిగే మ్యాచ్‌కు సిద్దేష్ లాడ్ ముంబై జట్టును నాయకత్వం వహించనున్నారు. 

* ఈ జట్టులో టీమిండియా స్టార్ బ్యాటర్లు యశస్వి జైస్వాల్, సర్ఫరాజ్ ఖాన్లతో పాటు ఇటీవల ఆస్ట్రేలియా 'ఎ'తో జరిగిన అనధికారిక టెస్ట్ సిరీస్‌లో ఆడిన షామ్ ములానీ, తుషార్ దేశ్‌పాండే తదితరులు చోటు దక్కించుకున్నారు.