నోవో హంబర్గో: దక్షిణ అమెరికాలో అతిపెద్ద దేశమైన బ్రెజిల్లో గాలి తుఫాన్ బీభత్సం సృష్టించింది. దీంతో 13మంది మృతి చెందారు. వేలాదిమందిని సురక్షిత ప్రాంతాలకు తరలించామని అధికారులు తెలిపారు. గురు, శుక్రవారాల్లో ఎడతెరిపిలేని వర్షాలకు రియో గ్రాండె డు సుల్స్టేట్లో పదుల సంఖ్యలో పట్టణాలు దెబ్బతిన్నాయి. రాజధాని పోర్టో అలెగ్రే కూడా తుఫాన్ ధాటికి అతలాకుతలమైంది.
తీరప్రాంత పట్టణం కారాలో రెండు మృతదేహాలు గుర్తించామని దీంతో తుఫాన్కారణంగా చనిపోయిన వారి సంఖ్య 13కి చేరినట్లు స్టేట్ సివిల్ డిఫెన్స్ఏజెన్సీ తెలిపింది. కారాలో వరదనీటిలో గల్లంతైన ముగ్గురి ఆచూకీ ఇంకా లభ్యంకాలేదని ఏజెన్సీ వెల్లడించింది. కాగా, అధికార లెక్కల ప్రకారం ట్రామందాయ్ పట్టణంలో గంటకు 101.9 కిలోమీటర్ల వేగంతో బలమైన ఈదురు గాలులు వీచాయి. ఇండ్లు దెబ్బతినడంతో సుమారు 5 వేల మంది వారి ఇళ్లను విడిచి వెళ్లారు.