- మరో ఐదు ప్రమాదాల్లో నలుగురు మృతి
- 11 మందికి తీవ్ర గాయాలు.. ఒకరికి సీరియస్
కొడంగల్/గండిపేట/మెహిదీపట్నం, వెలుగు: వికారాబాద్ జిల్లా ఈర్లపల్లిలో విషాదం చోటుచేసుకుంది. బంధువు అంత్యక్రియలకు వెళ్తుండగా ట్రాక్టర్బోల్తా పడి ఓ మహిళ మృతి చెందగా, 15 మంది గాయపడ్డారు. దౌల్తాబాద్ఎస్సై రవిగౌడ్తెలిపిన వివరాల ప్రకారం.. నాగసర్లోని బంధువు అంత్యక్రియల్లో పాల్గొనేందుకు సోమవారం ఉదయం ఈర్లపల్లికి చెందిన 30 మంది ట్రాక్టర్లో బయలుదేరారు. దారిలోని దేవరఫసల్వాద్ గ్రామ శివారులో ట్రాక్టర్అదుపు తప్పి పక్కనున్న కంది చేనులోకి దూసుకెళ్లి బోల్తా పడింది. ఈ ప్రమాదంలో అమృతమ్మ(53) అనే మహిళ తీవ్ర గాయాలతో అక్కడికక్కడే చనిపోయింది. 15 మందికి తీవ్ర గాయాలయ్యాయి. స్థానికులు కొడంగల్ఆసుపత్రికి తరలించారు.
కేసు నమోదు చేసినట్లు ఎస్సై తెలిపారు. అలాగే వికారాబాద్ జిల్లా బోంరాస్పేట కారు టైరు పేలి ఓ ప్రైవేట్ఉద్యోగి చనిపోయాడు. విశ్వనాథ్వెంకట రమణయ్య(49) కర్ణాటక బార్డర్మల్కెడ్ లోని అల్ట్రాటెక్ సిమెంట్ కంపెనీలో సెక్షన్హెడ్గా చేస్తున్నాడు. ఆదివారం రాత్రి కారులో హైదరాబాద్నుంచి మల్కెడ్ బయలుదేరాడు. దారిలో కారు టైరు పేలి ఎదురుగా వచ్చిన లారీని ఢీకొట్టింది. రమణయ్య అక్కడిక్కడే చనిపోయాడు. కారులోని మరో ఇద్దరు తీవ్రంగా గాయపడ్డారని బోంరాస్పేట ఎస్సై రావుఫ్ తెలిపారు.
కార్లు అదుపు తప్పి ఇద్దరు మృతి
హిమాయత్‌సాగర్‌ ఔటర్‌ రింగ్‌ రోడ్డుపై సోమవారం ఓ కారు అదుపు తప్పి డివైడర్ను ఢీకొట్టింది. తర్వాత రోడ్డు పక్కనున్న చెట్ల పొదల్లోకి దూసుకెళ్లింది. కారులోని ఎల్వీప్రసాద్హాస్పిటల్లో నిలయారెడ్డి అక్కడికక్కడే చనిపోయాడు. పోలీసులు మృతదేహాన్ని ఉస్మానియా మార్చురీకి తరలించారు. అలాగే ఆఫీస్ క్యాబ్అదుపు మాసబ్ట్యాంక్లో ఓ సాఫ్ట్వేర్ ఉద్యోగి చనిపోయాడు. ఇన్స్పెక్టర్ అప్పలనాయుడు తెలిపిన వివరాల ప్రకారం.. గచ్చిబౌలిలోని ఓ ఐటీ కంపెనీలో పనిచేస్తున్న సాయితేజ, సాయి సుధ, సందీప్, మాధురి, సాయి కృష్ణ సోమవారం ఉదయం క్యాబ్లో హయత్నగర్నుంచి ఆఫీసుకు బయలుదేరారు. మాసబ్ ట్యాంక్ ఫ్లైఓవర్ ఎక్కుతున్న టైంలో ముందు వెళ్తున్న బైకును ఓవర్టేక్ చేయబోయగా కారు అదుపు తప్పి డివైడర్ను ఢీకొంది. ముందు సీటులో కూర్చున్న సాయితేజ(25) అక్కడికి అక్కడే మృతి, నలుగురు తీవ్రంగా గాయపడ్డారు. క్యాబ్ డ్రైవర్ సాయి వంశీ పరిస్థితి విషమంగా ఉన్నట్లు సీఐ తెలిపారు.
పీవీఎన్ఆర్ ఎక్స్ప్రెస్వేపై కారు బీభత్సం
శంషాబాద్ నుంచి మెహిదీపట్నం వెళ్తున్న ఓ కారు పీవీఎన్ఆర్ ఎక్స్ప్రెస్ వే పై పిల్లర్నంబర్285 వద్ద అదుపు తప్పి డివైడర్ను ఢీకొట్టింది. కారులోని ముగ్గురు తీవ్రంగా గాయపడ్డారు. పోలీసులు వారిని ఆసుపత్రికి తరలించారు.
వర్షానికి రోడ్డు కనబడక కారు బోల్తా.. మహిళ మృతి
శామీర్ పేట: శామీర్పేట వద్ద వర్షానికి రోడ్డు కనబడక ఓ కారు బోల్తా పడింది. భూపాలపల్లి జిల్లా బొమ్మాపూర్కు చెందిన మనోహర్ రెడ్డి సోమవారం కారులో తల్లి పుష్పలత(48), అక్క రస్మిత, ఆమె కూతురు రియాన్షితో కలిసి సిటీలోని నిజాంపేటకు వస్తున్నారు. ఓఆర్ఆర్ ఎగ్జిట్ నం.7కి దగ్గర్లోకి రాగానే భారీ వర్షానికి రోడ్డు కనిపించలేదు.
కారు అదుపు తప్పి డివైడర్ను ఢీకొని బోల్తా పడింది. పుష్పలత తలకు తీవ్ర గాయమై అక్కడికక్కడే చనిపోయింది. రస్మిత, ఆమె కూతురు రియాన్షికి స్వల్ప గాయాలయ్యాయి. శామీర్ పేట పోలీసులు ఘటనా స్థలానికి చేరుకుని వారిని ఆస్పత్రికి తరలించారు. మృతదేహాన్ని గాంధీ ఆసుపత్రికి తరలించి కేసు నమోదు చేశారు.
