వైరా, వెలుగు: దశాబ్ది ఉత్సవాలను ప్రభుత్వం ఘనంగా జరుపుతున్న వేళ ఓ మహిళా కౌన్సిలర్ కరెంట్లైట్స్కోసం ఆదివారం రాత్రి 7 గంటలకు ధర్నాకు దిగారు. తన వార్డులో లైట్స్ఏర్పాటు చేయాలని మూడు రోజులుగా మున్సిపల్ఆఫీసర్లకు విజ్ఞప్తి చేస్తున్నా పట్టించుకోవడంలేదని ఆమె తెలిపారు. ఆఫీసర్ల నిర్లక్ష్యంతోనే మున్సిపల్ఆఫీస్ ఎదుటే ధర్నా చేయాల్సి వస్తోందని ఆవేదన వ్యక్తం చేశారు.
పదో వార్డులో నడిబొడ్డున స్థానికులు విరాళాలతో ఆంజనేయ స్వామి దేవాలయాన్ని నిర్మిస్తున్నారన్నారు. అయితే ఇక్కడ రోడ్డుపై కరెంట్లైట్స్ఏర్పాటు చేయాలని వారు తమకు విజ్ఞప్తి చేశారని, ఇదే విషయంపై ఆఫీసర్లను కోరామన్నారు. ధర్నా విషయం తెలుసుకున్న మున్సిపల్కమిషనర్ పి. వెంకటేశ్వర్లు ఆఫీస్కు వచ్చి ఆమెకు సర్ది చెప్పే ప్రయత్నం చేశారు. సోమవారం లైట్లను ఏర్పాటు చేస్తామని కమిషనర్ హామీ ఇచ్చినా ఆమె వెనక్కి తగ్గలేదు. వెంటనే ఏర్పాటు చేస్తేనే విరమిస్తానని ఆమె స్పష్టం చేశారు. అందుకు ఆఫీసర్లు ఓకే అనడంతో విరమించారు.
