న్యూఢిల్లీ: దేశవ్యాప్తంగా మహిళా జడ్జీల సంఖ్య పెరగడం శుభపరిణామమని సీజేఐ జస్టిస్ డీవై చంద్రచూడ్ అన్నా రు. కేసు విచారణకు ముందు జస్టిస్ జేబీ పార్దివాలా, జస్టిస్ మనోజ్ మిశ్రాతో కూడిన బెంచ్లో సీజేఐ మహిళా జడ్జీల సంఖ్య పెరగడంపై కీలక వ్యాఖ్యలు చేశారు. ‘‘మేము కొన్ని సంతోషకరమైన విషయాలు మీతో పంచుకోవాలనుకుంటున్నాం. ఇక్కడ వెను క వరుసలో(కోర్టులో).. మహారాష్ట్ర నుంచి సివిల్ జడ్జి జూనియర్ విభాగానికి చెందిన 75 మంది జడ్జీలు ఉన్నారు.
ఈ బ్యాచ్లో 42 మంది మహిళలు, 33 మంది పురుషులు ఉన్నారు. ఇది దేశవ్యాప్తంగా ఉన్న ట్రెండ్. మహిళా న్యాయమూర్తుల సంఖ్య పెరుగుతు న్నది. ఇది సంతోషించాల్సిన విషయం” అని జస్టిస్ డీవై చంద్రచూడ్ అన్నారు. లంచ్ అవర్లో జ్యూడిషియల్ ఆఫీసర్లతో పాటు మహిళా జడ్జీలను కలిసే ప్రయత్నం చేస్తాన న్నారు. సుప్రీం కోర్టులో కూడా మహిళా జడ్జీల సంఖ్య పెంచేందుకు కృషి చేయాలని సీనియర్ అడ్వకేట్లు సీజేఐ కోరారు.
