వికారాబాద్: తమ కాలనీలో సెల్ టవర్ ఏర్పాటు చెయ్యొద్దంటూ.. కొత్తగా ఏర్పాటు చేస్తున్న టవర్ ని వెంటనే ఇక్కడి నుంచి తొలగించాలంటూ సెల్ టవర్ ఎక్కి హంగామా చేశారు ఆ కాలనీ మహిళలు. వికారాబాద్ జిల్లా పరిగి మున్సిపాలిటీ పరిధిలోని 9వ వార్డు నాయకోటి వాడ కాలనీ శివారులో కొత్తగా ఎయిర్ టెల్ కంపెనీ సెల్ టవర్ నిర్మాణం జరుగుతోంది. ఆ సెల్ టవర్ నిర్మాణం ప్రారంభించిన వెంటనే కాలనీ వాసులు తీవ్రంగా వ్యతిరేకించారు. నిర్మాణం ప్రారంభించిన కాంట్రాక్టర్ తో వాగ్వాదం చేసి ప్రయోజనం లేదని మున్సిపల్ ఆఫీసుకు వెళ్లి ఫిర్యాదు చేశారు. అంతేకాదు జిల్లా కలెక్టర్ ఆఫీసుకు వెళ్లి కూడా ఫిర్యాదు చేశారు. తమ కాలనీకి కనీసం ఒక కిలోమీటర్ దూరంలో ఎక్కడైనా ఏర్పాటు చేసుకోమని కాలనీ వాసులు సూచిస్తున్నారు. కాలనీవాసుల వ్యతిరేకతను అధికారులు కానీ.. టవర్ కంపెనీ వారు కానీ పట్టించుకోలేదు. స్థానికుల వ్యతిరేకతను ఏ మాత్రం పట్టించుకోకుండా టవర్ నిర్మాణ పనులు కొనసాగిస్తున్నారు. దీంతో సహనం నశించిన కాలనీ మహిళలు ఈ సమస్య తీరాలంటే టవర్ ఎక్కడమే మార్గమని నిర్ణయించుకున్నారు. ఇందులో భాగంగా ఇవాళ సెల్ టవర్ ఎక్కి హల్ చల్ చేసి నిరసన తెలియజేశారు. మొబైల్ టవర్ రేడియేషన్ వల్ల ఆరోగ్యాలు దెబ్బతింటాయని, ముఖ్యంగా వృద్ధులు, పిల్లల ప్రాణాలకు హాని కలుగుతుందని, కాలనీలో పెద్దలే ఎక్కువగా ఉన్నారని వారు ఆందోళన వ్యక్తం చేశారు. రేడియేషన్ ద్వారా ఇంకా అనారోగ్యం కలిగి ఆస్పత్రుల చుట్టూ తిరిగే పరిస్థితి తీసుకురావద్దని అంటున్నారు. తామంతా పేద మధ్య తరగతి వారమని.. అనారోగ్యాలకు గురైతే ఆసుపత్రుల చుట్టూ తిరిగేంత డబ్బులు, శక్తి, ఓపిక, సమయం తమకు లేదన్నారు. కాలనీ వాసుల నిరసన గురించిన సమాచారం అందుకున్న పోలీసులు టవర్ ఎక్కిన లక్ష్మీ,మరో మహిళ వరలక్ష్మి ఇద్దరిని సముదాయించారు. అంతలోనే మరో మహిళ పురుగుల మందు తాగేందుకు ప్రయత్నించింది. మహిళ ఆత్మహత్యా యత్నాన్ని పసిగట్టిన పోలీసులు వెంటనే అప్రమత్తమై మహిళ చేతిలోని పురుగుల మందు లాక్కున్నారు. న్యాయం జరిగేలా చూస్తామని హామీ ఇచ్చారు పోలీసులు.
సెల్ టవర్ తొలగించాలంటూ టవర్ ఎక్కిన మహిళలు
- తెలంగాణం
- March 23, 2021
లేటెస్ట్
- Baahubali Crown Of Blood OTT: ఓటీటీలోకి వచ్చేసిన రాజమౌళి బాహుబలి ప్రీక్వెల్..కానీ, ఆడియన్స్కి అదొక్కటే నిరాశ
- వేసవిలో ఫ్యాన్ గాలి మంచిదేనా? బీరు చలవేనా?
- Malayalam Longest Title: మలయాళ ఇండస్ట్రీలోనే అతి పెద్ద మూవీ టైటిల్..కుదించి సు..సు అంటూ పిలుస్తున్న ఆడియన్స్
- ప్రియుడితో కలిసి భర్తను చంపిన భార్య .. 3 నెలల తర్వాత లొంగిపోయిన నిందితుడు
- Atal Setu: ముంబై అటల్ సేతుపై రష్మిక ప్రశంసలు.. స్పందించిన ప్రధాని మోదీ
- శ్వేత విప్లవం.. హరిత విప్లవం
- నిద్రపోయేటప్పుడు ఈ టిప్స్ ఫాలో కండి
- నెంబర్ సేవ్ చేసుకోకుండానే వాట్సాప్లో మెస్సేజ్ పంపొచ్చు
- Prabhas, Payal: ప్రభాస్ హింట్ ఇచ్చింది.. పాయల్ గురించి కాదు కదా..?
- బిగ్ ట్విస్ట్ : ఎమ్మెల్యే పెద్దారెడ్డి ఇంటిపై దాడి చేసింది పోలీసులా..! టీడీపీ వాళ్లు కాదా..?
Most Read News
- మోహిని ఏకాదశి మే 19న మూడు యోగాల కలయిక ..ఆ రోజు ఏం చేయాలంటే..
- హైకోర్టును ఆశ్రయించిన జూనియర్ ఎన్టీఆర్
- ఆరోగ్య బీమా పాలసీలను రద్దు చేసిన HDFC :పాలసీదారులపై ప్రభావం చూపుతుందా?
- హైదరాబాద్లో భారీ వర్షం .. ఉప్పల్లో మ్యాచ్ కష్టమే
- కొత్త జిల్లాలపై మొదలైన చర్చ
- హైదరాబాద్ లో కుండపోత వర్షం.. ఎవరూ బయటకు రావొద్దు
- తెలంగాణలో భూముల విలువ పెంపు!
- బతకనీయరా: కోవీషీల్డ్ కంటే కోవ్యాగ్జిన్ టీకా మరింత డేంజర్ అంట..!
- Sireesha Divorce: విడాకులు తీసుకున్న సీరియల్ నటి శిరీష.. సోషల్ మీడియా పోస్ట్ వైరల్
- రైతుల నుంచి లంచం తీసుకుంటూ ఏసీబీకి చిక్కిన్రు