తెలంగాణ ప్రభుత్వం నిన్న మరోసారి లాక్ డౌన్ ను పొడగిస్తూ నిర్ణయం తీసుకుంది. 10 రోజుల పాటు పొడగించిన లాక్ డౌన్ టైంలో ప్రజా కార్యకలాపాల సమయాన్ని కూడా పొడిగించింది. ప్రజల కార్యకలాపాల సమయాన్ని ఉదయం 6 గంటల నుంచి మధ్యాహ్నం 1 గంట వరకు పెంచారు. ఈ క్రమంలో రాష్ట్రంలో బ్యాంకుల పనివేళలు కూడా మారాయి. బ్యాంకులు ఇకపై ఉదయం 10 గంటల నుంచి మధ్యాహ్నం 2 గంటల వరకు పనిచేయనున్నాయి. దీనికి సంబంధించి రాష్ట్ర బ్యాంకర్ల కమిటీ తెలిపింది.
ఇంతకుముందు.. లాక్ డౌన్ సడలింపు ఉదయం 6 గంటల నుంచి 10 గంటల వరకే ఉండగా.. బ్యాంకులు ఉదయం 8 గంటల నుంచి మధ్యాహ్నం 12 వరకే పనిచేశాయి. తాజా సడలింపులతో బ్యాంకుల పనివేళలు కూడా మారాయి.
