విశాఖ సాగరతీరంలో రెండో ప్రపంచయుద్ధం నాటి కాంక్రీటు బంకర్లు బయటపడ్డాయి. విశాఖ, యారాడ, జాలరిపేట తదితర ప్రాంతాల్లో తీర ప్రాంతంలోని ఇసుక కోతకు గురి కావడంతో ఈ బంకర్లు బయటపడ్డాయి.
రెండో ప్రపంచ యుద్ధ సమయంలో బ్రిటీష్ వారి తరపున భారత నావికులు జపాన్ తో పోరాడారు. ఆ సమయంలో శత్రుదేశం వాయు, నౌక దాడుల నుంచి ఈ బంకర్ల ద్వారా సైనికులు రక్షణ పొందారు. ఈ బంకర్లను కాంక్రీట్ తో నిర్మించారు. రెండో ప్రపంచ యుద్ధం సమయంలో విశాఖపై దాడి చేసేందుకు జపాన్ సిద్ధపడినట్టు కూడా చరిత్రకారులు చెపుతున్నారు. ఈ ప్రాంతం వ్యూహాత్మకంగా ఎంతో కీలకమైనది కావడంతో తూర్పు నావికాదళాన్ని ఏర్పాటు చేశారు.
సాగర తీరంలో బయట పడ్డ బంకర్లను చూసేందుకు స్థానికులు ఆసక్తి చూపిస్తున్నారు.
