ఎన్నో ఆశలతో కొత్త జీవితాన్ని ప్రారంభించిన కొత్త జంట పెళ్లైన సంవత్సరానికే ఆత్మహత్యకు ప్రయత్నించింది. ఈ విషాద సంఘటన వనస్థలిపురం పోలీసు స్టేషన్ పరిధిలో జరిగింది. స్థానిక హరిహారపురం కాలనీలో నివాసముంటున్న రాఘవేందర్, సోనీలకు సంవత్సరం క్రితం వివాహం జరిగింది. కొంత కాలం సాఫీగానే సాగిన వీరి కాపురంలో కొద్ది రోజులుగా గొడవలు జరుగుతున్నాయి. ఆ గొడవల నేపథ్యంలోనే ఈ నవదంపతులిద్దరూ ఆత్మహత్యా యత్నానికి పాల్పడ్డారు. ఈ ఘటనలో భార్య సౌమ్య(సోనీ) మృతి చెందగా.. భర్త రాఘవేందర్ పరిస్థితి విషమంగా ఉంది. స్థానికుల ఫిర్యాదు మేరకు పోలీసులు ఘటనాస్థలికి చేరుకొని వారిని ఆస్పత్రికి తరలించారు. కేసు నమోదు చేసిన పోలీసులు దర్యాప్తు చేస్తున్నారు.
For More News..
