హుస్నాబాద్, వెలుగు : అమ్మాయి ప్రేమించడంలేదని ఓ యువకుడు సూసైడ్ చేసుకున్నాడు. ఈ ఘటన సిద్దిపేట జిల్లా హుస్నాబాద్ పట్టణంలో జరిగింది. ఎస్సై మహేశ్, మృతుడి బంధువులు తెలిపిన వివరాల ప్రకారం.. హుస్నాబాద్లోని హనుమాన్నగర్కు చెందిన బొల్లి గణేశ్(26) ఆటో నడుపుతూ తల్లితో కలిసి ఉంటున్నాడు. కొంతకాలంగా ఒక అమ్మాయిని ప్రేమిస్తున్నానని, తన ప్రేమను అంగీకరించాలని ఆమె వెంట తిరుగుతున్నాడు. ఇందుకు ఆమె అంగీకరించలేదు. దీంతో నిత్యం మద్యం తాగుతుండేవాడు.
Also Read : గవర్నర్ బీసీ వ్యతిరేకి : మంత్రి గంగుల
సోమవారం స్కూల్ పిల్లను తన ఆటోలు ఇంటికి తీసుకువస్తూ ఇక నుంచి తాను ఆటో నడపబోనని, వేరే ఆటోను మాట్లాడుకోవాలని వారితో చెప్పాడు. తన చెల్లెలు, బంధువులు, ఫ్రెండ్స్తో కూడా ఫోన్లో మాట్లాడి అందరూ బాగుండాలని, ఇక నుంచి తాను కనిస్తానో.. లేదోనని చెప్పాడు. దీంతో అనుమానం వచ్చి వెంటనే అతడి తల్లికి వారు సమాచారం ఇచ్చారు.
బయటకు వెళ్లిన ఆమె ఇంటికి వచ్చి చూడగా గణేశ్ ఉరి వేసుకొని కనిపించాడు. ఆసుపత్రికి తీసుకెళ్లాగా అప్పటికే అతడు చనిపోయినట్లు డాక్టర్లు తెలిపారు. అమ్మాయి ప్రేమించడంలేదనే బాధతోనే ఆత్మహత్య చేసుకుని ఉంటాడని భావిస్తున్నారు. మృతుడి బంధువుల ఫిర్యాదు మేరకు కేసు నమోదు చేసుకొని దర్యాప్తు చేస్తున్నామని ఎస్సై తెలిపారు.
