హరారే వేదికగా జింబాబ్వేతో జరుగుతున్న మూడో టీ20 లో భారత బ్యాటర్లు మరోసారి తమ జోరు చూపించారు. రెండో టీ20 లో ఆకాశమే హద్దుగా చెలరేగిన భారత ఆటగాళ్లు.. మూడో టీ20 లో పర్వాలేదనిపించారు. దీంతో భారత్ నిర్ణీత 20 ఓవర్లలో 4 వికెట్ల నష్టానికి 182 పరుగులు చేసింది. కెప్టెన్ శుభమాన్ గిల్(49 బంతుల్లో 66: 3 సిక్సులు, 7 ఫోర్లు) రుతురాజ్ గైక్వాడ్(28 బంతుల్లో 49: 4 ఫోర్లు, 3 సిక్సులు) యశస్వి జైస్వాల్ (36) మెరుపులు మెరిపించారు.
ఈ సిరీస్ లో భారత్ వరుసగా మూడో సారి టాస్ గెలిచింది. గిల్ టాస్ గెలిచి బ్యాటింగ్ తీసుకున్నాడు. యశస్వి జైస్వాల్ తో గిల్ ఓపెనింగ్ దిగాడు. ప్రారంభం నుంచే ఈ జోడీ జింబాబ్వే బౌలర్లపై ఎదురు దాడికి దిగింది. తొలి ఓవర్లో 14.. రెండో ఓవర్లో 15 పరుగులు పిండుకున్న టీమిండియా పవర్ ప్లే లో వికెట్ నష్టపోకుండా 55 పరుగులు రాబట్టింది. 8 ఓవర్లో జైస్వాల్ భారీ షాట్ కు ప్రయత్నించి 36 పరుగులు చేసి ఔటయ్యాడు. రెండో మ్యాచ్ లో సెంచరీ హీరో అభిషేక్ శర్మ 10 పరుగులే చేసి ఔటయ్యాడు.
ALSO READ | Martin Guptill: ఔట్ చేశానని ఇప్పటికీ తిడుతున్నారు.. ధోనీ రనౌట్‌పై మార్టిన్ గుప్టిల్
ఈ దశలో గిల్ కు జత కలిసిన గైక్వాడ్ భారత స్కోర్ బోర్డును ముందుకు తీసుకెళ్లారు. మొదట ఆచితూచి ఆడినా క్రమంగా బ్యాట్ ఝళిపించారు. ఈ క్రమంలో గిల్ హాఫ్ సెంచరీ పూర్తి చేసుకొని ఇన్నింగ్స్ 18 ఓవర్లో ఔటయ్యాడు. గైక్వాడ్ 49 పరుగులు చేసి చివరి ఓవర్లో వెనుదిరిగాడు. జింబాబ్వే బౌలర్లలో సికిందర్ రాజా, ముజురుభాని చెరో రెండు వికెట్లు పడగొట్టారు.
Shubman Gill - 66(49)
— Johns. (@CricCrazyJohns) July 10, 2024
Ruturaj Gaikwad - 49(28)
Yashasvi Jaiswal - 36(27)
INDIA POSTED 182 FOR 4 FROM 20 OVERS....!!!! pic.twitter.com/b1gvGdFOdh
